ວັນທີ 17 ສິງຫານີ້, ທ່ານຮັນມິນໂກ ລັດຖະມົນຕີກະຊວງປ້ອງກັນປະເທດ ສ.ເກົາຫຼີໄດ້ເດີນທາງໄປເມືອງເຊອອງຈູແຂວງກິອອງຊາງບຸກເຊິ່ງເປັນສະຖານທີ່ທີ່ຈະຕິດຕັ້ງລະບົບ THAAD, ແລະໄດ້ຫາລືກັບກັບຜູ້ຕາງໜ້າປະຊາຊົນເມືອງເຊອອງຈູ.
ໃນການຫາລືດັ່ງກ່າວ, ທ່ານຮັນມິນໂກໄດ້ຂໍອະໄພທີ່ລັດຖະບານບໍ່ໄດ້ແລກປ່ຽນແລະຫາລືກັບປະຊາຊົນກ່ອນຈະປະກາດຕິດຕັ້ງລະບົບ THAAD, ແຕ່ຂໍຢ້ຳມີຄວາມຈຳເປັນຕ້ອງຕິດຕັ້ງ ແລະເລືອກເອົາເມືອງເຊອອງຈູເປັນສະຖານທີ່ຕິດຕັ້ງລະບົບດັ່ງກ່າວຈາກນີ້, ຂໍຮຽກຮ້ອງໃຫ້ປະຊາຊົນເຂົ້າໃຈຕໍ່ການຕັດສິນໃຈຂອງລັດຖະບານ.
ແນວໃດກໍດີຜູ້ຕາງໜ້າຂອງຄະນະກຳມະການຄັດຄ້ານການຕິດຕັ້ງລະບົບ THAAD ຢູ່ເມືອງເຊອອງຈູໄດ້ຕຳນິການຕັດສິນໃຈຂອງລັດຖະບານ, ທັງຮຽກຮ້ອງໃຫ້ລັດຖະບານເປີດເຜີຍຂໍ້ມູນລະອຽດຕໍ່ການເລືອກບ່ອນຕິດຕັ້ງລະບົບດັ່ງກ່າວ. ຂະນະດຽວກັນກໍຮຽກຮ້ອງໃຫ້ລັດຖະບານຖອນການຕັດສິນໃຈຕິດຕັ້ງລະບົບ THAAD ຢູ່ເມືອງເຊອອງຈູອີກເທື່ອໜຶ່ງ, ແຕ່ຄຳຮຽກຮ້ອງເຫຼົ່ານີ້ບໍ່ໄດ້ຮັບການຕອບຮັບຈາກລັດຖະມົນຕີກະຊວງປ້ອງກັນປະເທດ ສ.ເກົາຫຼີແຕ່ຢ່າງໃດ.
ຈາກການທີ່ສອງຝ່າຍມີຄວາມເຫັນແຕກຕ່າງກັນຢ່າງໃຫຍ່ຫຼວງ, ສົ່ງຜົນໃຫ້ການຫາລືບໍ່ປະສົບຜົນສຳເລັດ.