ວັນທີ 18 ສິງຫານີ້, ເຂດພັດທະນາລວມໄຊເສດຖານະຄອນຫຼວງວຽງຈັນ ສປປ ລາວ ໄດ້ກາຍເປັນເຂດຮ່ວມມືເສດຖະກິດການຄ້າຕ່າງປະເທດລະດັບຊາດຂອງຈີນຢ່າງເປັນທາງການ, ກ່ອນໜ້ານີ້ບໍ່ດົນ, ກະຊວງການຄ້າ ແລະກະຊວງການເງິນຂອງຈີນ ໄດ້ສົ່ງໃບຢັ້ງຢືນໃຫ້ບໍລິສັດລົງທຶນຕ່າງປະເທດແຂວງຢູນນານຈຳກັດ ທີ່ເປັນສາຂາບໍລິສັດທີ່ລົງທຶນທັງໝົດໂດຍກຸ່ມບໍລິສັດກໍ່ສ້າງ, ລົງທຶນແລະຄຸມຫຸ້ນແຂວງຢູນນານ ໂດຍຢືນຢັນວ່າ ເຂດພັດທະນາລວມໄຊເສດຖານະຄອນຫຼວງວຽງຈັນ ສປປ ລາວທີ່ບໍລິສັດດັ່ງກ່າວລົງທຶນກໍ່ສ້າງນັ້ນ ຖືກຕ້ອງສອດຄ່ອງກັບຄວາມເປັນຈິງທຸກປະການ.
ເຂດພັດທະນາລວມໄຊເສດຖາ ແມ່ນໂຄງການທີ່ລັດຖະບານສອງປະເທດຈີນ-ລາວຕົກລົງຮ່ວມກັນ ໂດຍບໍລິສັດລົງທຶນຕ່າງປະເທດແຂວງຢູນນານຈຳກັດ, ທະນາຄານພັດທະນາແຫ່ງຊາດຈີນ ແລະອົງການປົກຄອງນະຄອນຫຼວງວຽງຈັນ ໄດ້ຮ່ວມກັນລົງນາມໃນ "ບົດບັນທຶກຄວາມເຂົ້າໃຈວ່າດ້ວຍໂຄງການພັດທະນາລວມນະຄອນຫຼວງວຽງຈັນສປປລາວ". ຂະນະດຽວກັນ, ໃນເດືອນພຶດສະພາປີ 2016 ນີ້, ລັດຖະບານສອງປະເທດກໍໄດ້ລົງນາມໃນ "ຖະແຫຼງການຮ່ວມຈີນ-ລາວ" ຢູ່ນະຄອນຫຼວງປັກກິ່ງ ສປ ຈີນ ໂດຍລະບຸຢ່າງຈະແຈ້ງວ່າ "ຈະຊຸກຍູ້ການກໍ່ສ້າງເຂດພັດທະນາລວມໄຊເສດຖານະຄອນຫຼວງວຽງຈັນໃຫ້ໄດ້ຮັບຄວາມຄືບໜ້າໃໝ່".
 |
