ວັນທີ 20 ສິງຫານີ້, ຫຼັງຈາກເກີດຝົນຕົກແຮງຢູ່ນະຄອນຫຼວງຈາກາຕາປະເທດອິນໂດເນເຊຍສົ່ງຜົນເຮັດໃຫ້ເກີດນ້ຳຖ້ວມ ໂດຍສະເພາະຖະໜົນຫົນທາງເຊິ່ງສະພາບດັ່ງກ່າວເຮັດໃຫ້ການເດີນທາງຂອງປະຊາຊົນປະສົບຄວາມຫຍຸ້ງຍາກ.
ທັງນີ້ເມື່ອເດືອນກຸມພາປີ 2015, ນະຄອນຫຼວງຈາກາຕາກໍປະສົບບັນຫານ້ຳອັ່ງຢ່າງໜັກໜ່ວງທີ່ສຸດ ເຊິ່ງເລິກປະມານ 1 ແມັດ ຫຼັງເກີດຝົນຕົກແຮງເຊິ່ງໄດ້ກະທົບຕໍ່ຄົມມະນາຄົມແລະການຄ້າຂາຍຢ່າງໜັກໜ່ວງ. ເຈົ້າໜ້າທີ່ຄຸ້ມຄອງສຸກເສີນໄພພິບັດທ້ອງຖິ່ນລາຍງານວ່າ: ນ້ຳຖ້ວມໄດ້ເຮັດໃຫ້ປະຊາຊົນປະມານ 6.000 ຄົນຂາດບ່ອນເພິ່ງພາອາໄສ.