ເມືອງນ້ອຍສູ່ອ້ານທີ່ຂຶ້ນກັບເມືອງເຢິນຊິວແຂວງເຮີເປີຍ ຫ່າງຈາກນະຄອນຫຼວງປັກກິ່ງ 146 ກິໂລແມັດ. ເຖິງວ່າເປັນເມືອງນ້ອຍທຳມະດາໆແຕ່ກໍກ່ຽວພັນຢ່າງສະໜິດແໜ້ນກັບຫໍພິພິທະພັນພະລາຊະວັງບູຮານນະຄອນຫຼວງປັກກິ່ງ. ທັງນີ້ເມື່ອເດືອນທັນວາປີຜ່ານມາ, ພະລາຊະວັງບູຮານເລີ່ມດຳເນີນການສ້ອມແປງໃຫຍ່ຕໍ່ຫໍຢາງຊິນໂດຍຕ້ອງພະຍາຍາມຮັກສາຮູບຊົງເດີມຂອງຫໍດັ່ງກ່າວຈິ່ງນຳໃຊ້ວັດສະດຸກໍ່ສ້າງທີ່ຄ້າຍໆກັບຫໍເກົ່າ. ດ້ວຍເຫດນີ້, ສີມືການເຜົາແລະການຜະລິດດິນຈີ່ທີ່ສືບທອດຈາກບັນພະບຸລຸດຂອງທ່ານວາງລີ້ຊ່ານ ເຈົ້າຂອງໂຮງງານຜະລິດດິນຈີ່ສະເພາະສິ່ງກໍ່ສ້າງບູຮານເມືອງນ້ອຍສູ່ອ້ານຈິ່ງມີຄຸນຄ່າເຫຼືອຫຼາຍ.
ຈາກການນຳໃຊ້ດິນດາກແດງຂອງເມືອງເຢິນຊິວ, ທ່ານວາງລີ້ຊ່ານພ້ອມນາຍຊ່າງອາວຸໂສໄດ້ຜະລິດ "ດິນຈີ່ສີຂີ້ເຖົ່າ" ທີ່ຄ້າຍກັບດິນຈີ່ເດີມຂອງວັງບູຮານທີ່ສຸດ.ດ້ວຍຄວາມສຸດຍອດຂອງສີມືການຜະລິດ,ທ່ານວາງລີ້ຊ່ານໄດ້ ຜະລິດແລະສະໜອງດິນຈີ່ໃຫ້ວັງບູຮານເປັນເວລາຫຼາຍກວ່າ 30 ປີເກືອບ 1 ລ້ານກ້ອນ. ຈາກນີ້,ໂຮງງານຜະລິດດິນຈີ່ສະເພາະສິ່ງກໍ່ສ້າງບູຮານເມືອງນ້ອຍສູ່ອ້ານກໍໄດ້ຊື່ຫຼິ້ນວ່າ "ໂຮງງານຜະລິດດິນຈີ່ພະລາຊະວັງບູຮານ".
