ໃນວັນທີ 27 ສິງຫາ ນີ້. ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍຄະນະ ໄດ້ລົງກວດກາ ຄວາມ
ພ້ອມດ້ານຕ່າງໆ ໃນການເປັນເຈົ້າພາບ ຈັດກອງປະຊຸມ ສຸດຍອດອາຊຽນຄັ້ງທີ 28 ແລະ 29 ທີ່ຫໍປະຊຸມແຫ່ງຊາດ.

 ທ່ານນາງ ຄໍາເພົາ ເອີນທະວັນ ຮອງລັດຖະມົນຕີກະຊວງການຕ່າງປະເທດລາວ, ທັງເປັນຫົວໜ້າອະນຸ ກໍາມະການພິທີການ ແລະ
ສະຖານທີ່ໄດ້ໃຫ້ຮູ້ວ່າ: ມາຮອດປັດຈຸບັນການກະກຽມເປັນເຈົ້າພາບກອງ ປະຊຸມສຸດຍອດອາຊຽນໂດຍສະເພາະສະຖານທີ່ຫ້ອງປະຊຸມ,
ສະຖານທີ່ພັກເຊົາ ໄດ້ມີຄວາມພ້ອມ ເຖິງ 90% ສ່ວນທີ່ເຫລືອກໍ​ຄື​ການປະດັບປະດາ ແລະ ຄວາມເປັນລະບຽບຮຽບຮ້ອຍ. ນອກນີ້ຢູ່
ເຮືອນພັກວິນລາອາເຊັມ ເຊິ່ງຈະມີປະມຸກລັດ 4 ປະເທດ ແລະ ຫົວ ໜ້າຄະນະລັດຖະບານຈໍານວນໜຶ່ງເຂົ້າພັກເຊົານັ້ນ ມາຮອດປັດ
ຈຸບັນ ໄດ້ກະກຽມສໍາເລັດແລ້ວ 90%, ສ່ວນໂຮງແຮມແລນມາກ ກໍມີຄວາມພ້ອມເກືອບ 100% ​ເຊິ່ງກໍເຫລືອແຕ່ປັບປຸງຫ້ອງບາງ
ສ່ວນ, ການອະນາໄມ ແລະ ປະດັບປະດາຈໍານວນໜຶ່ງ​ໂດຍ ຄາດວ່າຈະໃຫ້ສໍາເລັດໃນວັນທີ 30 ສິງຫາ ນີ້.