ໂອກາດເຂົ້າຮ່ວມການສຳມະນາທີ່ຈັດຂຶ້ນຢູ່ມະຫາວິທະຍາໄລບໍລິຫານສິງກະໂປໃນວັນທີ 29 ສິງຫານີ້, ທ່ານບັນກີມູນ ເລຂາທິການໃຫຍ່ອົງການສະຫະປະຊາຊາດໄດ້ຢືນຢັນດ້ວຍຄວາມຫວັງໃຫ້ບັນດາຝ່າຍທີ່ກ່ຽວຂ້ອງຢູ່ທະເລຈີນໃຕ້ຈົ່ງປະຕິບັດຕາມຫຼັກການທີ່ລະບຸໄວ້ໃນກົດໝາຍລະຫວ່າງຊາດເພື່ອແກ້ໄຂຂໍ້ຂັດແຍ້ງດ້ວຍການເຈລະຈາໂດຍສັນຕິ.
ເມື່ອກ່າວເຖິງບັນຫາຈຸດສຸມໃນພາກພື້ນ, ທ່ານບັນກີມູນກ່າວວ່າ: ສະຖານະການທີ່ເຄັ່ງຕຶງຢູ່ທະເລຈີນໃຕ້ຍັງໜ້າກັງວົນທີ່ສຸດຄືເກົ່າ, ການທ້າທາຍເກາະຜິດແລະຄວາມເຂົ້າໃຈຜິດອາດຈະຮຸນແຮງຂຶ້ນທັງຈະເຮັດໃຫ້ຄວາມກົມກຽວປອງດອງກັນທີ່ທົ່ວພາກພື້ນສະແຫວງຫາເປັນໄລຍະຍາວນານມານັ້ນຕົກຢູ່ໃນຄວາມອັນຕະລາຍ.
ທ່ານບັນກີມູນເຊື່ອໝັ້ນວ່າ: ອາຊຽນຈະສືບຕໍ່ໄດ້ຮັບຄວາມຄືບໜ້າໃນການສ້າງອາຊີຕາເວັນອອກສຽງໃຕ້ໃຫ້ເຊື່ອມໂຍງເຂົ້າເປັນອັນໜຶ່ງອັນດຽວກັນທັງມີສັນຕິພາບແລະສະເຖຍລະພາບ. ຫວັງວ່າພາກພື້ນນີ້ຈະຜ່ານຜ່າຄວາມຫຍຸ້ງຍາກຕໍ່ຄວາມຮັບຮູ້ປະຫວັດສາດທີ່ມີຄວາມຂັດແຍ້ງຢ່າງຍາວນານ, ຂໍ້ຂັດແຍ້ງດ້ານເສັ້ນຊາຍແດນແລະການປະທະກັນ.
 |
