ວັນທີ 30 ສິງຫານີ້, ຈີນໄດ້ນຳສະເໜີປຶ້ມປົກສີຟ້າເຂດການຄ້າເສລີສະບັບທຳອິດຢູ່ນະຄອນຫຼວງປັກກິ່ງ ໂດຍເນື້ອໃນຕົ້ນຕໍເນັ້ນໃຫ້ເຫັນໃນຂະນະຜະເຊີນກັບກົນເກນໃໝ່ດ້ານການຄ້າສາກົນທີ່ມີມາດຖານສູງກວ່າ, ຈີນຄວນເລັ່ງກໍ່ສ້າງເຂດທົດລອງການຄ້າເສລີ ເພື່ອຕ້ອນຮັບການເປີດປະຕູຕໍ່ພາຍນອກລະດັບສູງຮອບໃໝ່.
ປຶ້ມປົກສີຟ້າຊີ້ໃຫ້ເຫັນວ່າ: ປັດຈຸບັນ, ການສ້າງເຂດການຄ້າເສລີຈີນຍັງມີບັນຫາຈຳນວນໜຶ່ງ, ຂະໜາດຕະຫຼາດຂອງເຂດການຄ້າເສລີມີໜ້ອຍ, ການພົວພັນການຄ້າບໍ່ແໜ້ນແຟ້ນປານໃດ; ການບໍລິການກໍມີຄວາມຈຳກັດ ທັງຍັງປະສົບຄວາມຫຍຸ້ງຍາກໃນການເຊື່ອມໂຍງກັບມາດຖານແລະກົດເກນໃໝ່ໃນສາກົນທີ່ມີປະສິດທິຜົນ.
ຜົນການຄົ້ນຄວ້າໄດ້ສະແດງໃຫ້ເຫັນວ່າ: ປັດຈຸບັນ, ວິສາຫະກິດຫຼາຍແຫ່ງໃນປະເທດນຳໃຊ້ນະໂຍບາຍຂອງເຂດການຄ້າເສລີບໍ່ທັນສູງ, ດ້ານໜຶ່ງເນື່ອງຈາກເນື້ອໃນນະໂຍບາຍທີ່ກ່ຽວຂ້ອງກັບເຂດການຄ້າເສລີສັບສົນເກີນໄປ ແລະ ອີກດ້ານໜຶ່ງກໍຍ້ອນຂາດຄວາມຮັບຮູ້ແລະຄວາມເຂົ້າໃຈຕໍ່ເຂດການຄ້າເສລີ.