ບໍລິສັດgoogle ແລະບໍລິສັດTemasek Holdings ສິງກະໂປໄດ້ຄາດຄະເນຫຼັງຮ່ວມກັນຄົ້ນຄວ້າເມື່ອມໍ່ໆນີ້ວ່າ ປັດຈຸບັນ, ຢູ່ເຂດອາຊີຕາເວັນອອກສຽງໃຕ້ມີຜູ້ໃຊ້ອິນເຕີເນັດຫຼາຍກວ່າ 260 ລ້ານຄົນແລ້ວ. ຂະນະທີ່ກ່ອນປີ 2025, ມູນຄ່າຜະລິດຕະພັນຈາກເສດຖະກິດອິນເຕີເນັດຂອງອາຊີຕາເວັນອອກສຽງໃຕ້ກໍຄາດວ່າຈະເພີ່ມຈາກ 31 ຕື້ໂດລາສະຫະລັດໃນປັດຈຸບັນຂຶ້ນເຖິງ 197 ຕື້ໂດລາສະຫະລັດ.
ການຄົ້ນຄວ້າດັ່ງກ່າວຊີ້ໃຫ້ເຫັນວ່າ: ຮອດປີ 2020, ຈຳນວນຜູ້ໃຊ້ອິນເຕີເນັດຢູ່ເຂດອາຊີຕາເວັນອອກສຽງໃຕ້ຈະເພີ່ມຂຶ້ນເຖິງ 480 ລ້ານຄົນໂດຍສະເລ່ຍ 3 ລ້ານ 8 ແສນຄົນຕໍ່ເດືອນ.ສ່ວນຮູບແບບທຸລະກິດແບບໃໝ່ເຊິ່ງລວມເຖິງທຸລະກິດເອເລັກໂຕຣນິກ,ທ່ອງທ່ຽວອ໋ອນໄລ,ການໂຄສະນາເອເລັກໂຕຣນິກ, APPນັດຈອງລົດເຫຼົ່ານີ້ເປັນຕົ້ນຈະກາຍເປັນສ່ວນປະກອບສຳຄັນຂອງເສດຖະກິດອິນເຕີເນັດໃນພາກພື້ນນີ້.