ວັນທີ 30 ສິງຫານີ້, ທ່ານ ບັນກີມູນ ເລຂາທິການໃຫຍ່ອົງການສະຫະປະຊາຊາດທີ່ພວມຢ້ຽມຢາມສິງກະໂປໄດ້ຮັບໃບຢັ້ງຢືນປະລິນຍາເອກກິຕິມະສັກສາຂາວັນນະຄະດີຈາກມະຫາວິທະຍາໄລແຫ່ງຊາດສິງກະໂປ. ຂະນະດຽວກັນກໍໄດ້ຮຽກຮ້ອງໃຫ້ບັນດາປະເທດໃນໂລກສາມັກຄີກັນແລະພ້ອມກັນຮັບມືກັບສິ່ງທ້າທາຍ.
ໃນມື້ດັ່ງກ່າວ ຢູ່ທຳນຽບປະທານາທິບໍດີ, ປະທານາທິບໍດີສິງກະໂປທັງເປັນອະທິການບໍດີກິຕິມະສັກຂອງມະຫາວິທະຍາໄລແຫ່ງຊາດສິງກະໂປໄດ້ມອບໃບຢັ້ງຢືນປະລິນຍາເອກກິຕິມະສັກສາຂາວັນນະຄະດີໃຫ້ແກ່ທ່ານ ຫຼັງເຫັນຄຸນງານຄວາມດີໃນຖານະເປັນເລຂາທິການໃຫຍ່ອົງການສະຫະປະຊາຊາດທີ່ໄດ້ຊຸກຍູ້ການພັດທະນາແບບຍືນຍົງ,ສິດທິມະນຸດ,ສັນຕິພາບແລະຄວາມໝັ້ນຄົງຂອງໂລກ.
ຂ່າວແຈ້ງວ່າ: ຫຼັງສຳເລັດການຢ້ຽມຢາມສິງກະໂປໃນວັນທີ 29-30 ສິງຫານີ້ແລ້ວ, ທ່ານ ບັນກີມູນ ຈະຢ້ຽມຢາມມຽນມາ, ສີລັງກາແລະລາວ ພ້ອມທັງຈະເຂົ້າຮ່ວມກອງປະຊຸມສຸດຍອດຫັງໂຈ່ວກຸ່ມ 20 ປະເທດຢູ່ຈີນ.