ທ່ານ ຈັສຕິນ ຕຣູໂດ ນາຍົກລັດຖະມົນຕີການາດາທີ່ພວມຢ້ຽມຢາມຈີນໄດ້ກ່າວຢູ່ນະຄອນຫຼວງປັກກິ່ງໃນວັນທີ 30 ສິງຫານີ້ວ່າ: ປະເທດຕົນພວມເລັ່ງພິຈາລະນາຄວາມເປັນໄປໄດ້ຕໍ່ການເຂົ້າຮ່ວມທະນາຄານລົງທຶນພື້ນຖານໂຄງລ່າງ ອາຊີ ຫຼື AIIB.
ທ່ານ ຕຣູໂດ ກ່າວວ່າ, ຈີນໃນຖານະເປັນກຸ່ມເສດຖະກິດໃຫຍ່ອັນດັບທີ 2 ຂອງໂລກໄດ້ເສີມຂະຫຍາຍບົດບາດສຳຄັນໃນການຊຸກຍູ້ການເຕີບໂຕຂອງເສດຖະກິດໂລກທັງເຫັນວ່າ, ການເບິ່ງຂ້າມຄວາມສຳຄັນຂອງຈີນຫຼືສາຍພົວພັນລະຫວ່າງການາດາ-ຈີນເປັນການກະທຳທີ່ຄັບແຄບແລະບໍ່ມີຄວາມຮັບຜິດຊອບ. ແນວໃດກໍດີ ເຊື່ອວ່າການພົວພັນສອງຝ່າຍທີ່ດີກວ່າເກົ່າຈະນຳເອົາຄວາມສຸກກໍຄື ກາລະໂອກາດທາງການຄ້າແລະການລົງທຶນໃໝ່ມາສູ່ສອງປະເທດຫຼາຍກວ່າເກົ່າເນື່ອງຈາກນີ້ມີຄວາມໝາຍສຳຄັນຍິ່ງຕໍ່ການຊຸກຍູ້ການເຕີບໂຕຂອງເສດຖະກິດທັງສ້າງໂອກາດການປະກອບອາຊີບແລະສ້າງຄວາມເຂັ້ມແຂງໃຫ້ແກ່ຊົນຊັ້ນກາງຢູ່ປະເທດຕົນ.
ນອກນີ້, ທ່ານ ຕຣູໂດ ຍັງກ່າວຍິນດີຕ້ອນຮັບວິສາຫະກິດຈີນໄປລົງທຶນຢູ່ປະເທດຕົນທັງຫວັງໃຫ້ສອງປະເທດສືບຕໍ່ເປີດກວ້າງຊ່ອງທາງການຮ່ວມມືໃນຂົງເຂດຕ່າງໆເປັນຕົ້ນເຕັກໂນໂລຊີປະດິດສ້າງໃໝ່, ພະລັງງານສະອາດ, ກະສິກຳ, ອະນຸລັກສິ່ງແວດລ້ອມ, ວັນທະນະທຳແລະອື່ນໆ.
 |
