ກອງປະຊຸມປາງລອງສະຕະວັດທີ 21 ຄືກອງປະຊຸມສັນຕິພາບມຽນມາໄດ້ໄຂຂຶ້ນຢູ່ສູນປະຊຸມສາກົນນະຄອນຫຼວງເນປີດໍໃນວັນທີ 31 ສິງຫາຜ່ານມາໂດຍຜູ້ແທນຝ່າຍຕ່າງໆປະມານ 1600 ຄົນໄດ້ເຂົ້າຮ່ວມ, ເຊິ່ງກອງປະຊຸມຄັ້ງນີ້ເປັນຂີດໝາຍສະແດງໃຫ້ເຫັນວ່າຂະບວນວິວັດສັນຕິພາບມຽນມາໄດ້ເຂົ້າສູ່ໄລຍະປະຫວັດສາດອັນໃໝ່.
ໂອກາດກ່າວປາໄສໃນກອງປະຊຸມດັ່ງກ່າວ, ທ່ານນາງອ໋ອງຊານຊູຈີ້ ຢືນຢັນວ່າ ນັບແຕ່ລັດຖະບານຊຸດໃໝ່ສ້າງຕັ້ງຂຶ້ນເປັນຕົ້ນມາ, ກຸ່ມປະກອບອາວຸດຊົນເຜົ່າສ່ວນໜ້ອຍທີ່ໄດ້ລົງນາມແລະຍັງບໍ່ທັນໄດ້ລົງນາມໃນສັນຍາຢຸດຍິງທົ່ວປະເທດນັ້ນລ້ວນແຕ່ໄດ້ຈັດການພົບປະເຈລະຈາກັນໂດຍໄດ້ເພີ່ມຄວາມໄວ້ເນື້ອເຊື່ອໃຈແລະຄວາມເຂົ້າໃຈກັນຕື່ມ. ພວກຂ້າພະເຈົ້າໄດ້ທົດລອງວິທີຕ່າງໆເພື່ອບັນລຸສັນຕິພາບ ແລະຄວນຖອດຖອນບົດຮຽນທີ່ບໍ່ສຳເລັດຜົນໃນເມື່ອກ່ອນແລ້ວພະຍາຍາມເພື່ອມຸ້ງໜ້າໄປສູ່ຄວາມສຳເລັດຜົນ.ຖ້າຫາກບໍ່ມີຝ່າຍຕ່າງໆມີສ່ວນຮ່ວມທຸກຖ້ວນໜ້າກໍຈະບໍ່ມີສັນຕິພາບ.
ຕາມແຜນການຊົ່ວຄາວ,ກອງປະຊຸມຄັ້ງນີ້ຈະຈັດຂຶ້ນແຕ່ວັນທີ 31 ສິງຫາຫາ ວັນທີ 3 ກັນຍານີ້,ແຕ່ອາດຈະເລື່ອນໄປອີກໜຶ່ງວັນ. ນອກນີ້ມີຂ່າວແຈ້ງວ່າ: ກອງປະຊຸມປາງລອງສະຕະວັດທີ 21 ຈະບໍ່ເປັນກອງປະຊຸມເທື່ອດຽວ ຫາກເປັນຂະບວນວິວັດຢ່າງຕໍ່ເນື່ອງ ເຊິ່ງອາດຈະແຕ່ລະ 6 ເດືອນຈັດຂຶ້ນເທື່ອໜຶ່ງຈົນກວ່າທົ່ວປະເທດບັນລຸສັນຕິພາບ.