ກອງປະຊຸມສຸດຍອດ G20 ໄຂຂຶ້ນຢ່າງເປັນທາງການ, ທ່ານສີຈິ້ນຜີງເປັນປະທານກອງປະຊຸມແລະກ່າວປາໄສ

ຕອນບ່າຍວັນທີ 4 ກັນຍານີ້, ກອງປະຊຸມສຸດຍອດ G20 ຫັງໂຈໄດ້ໄຂຂຶ້ນຢ່າງເປັນທາງການຢູ່ສູນວາງສະແດງສາກົນຫັງໂຈ. ທ່ານສີຈິ້ນຜີງ, ປະທານປະເທດຈີນເປັນປະທານກອງປະຊຸມແລະກ່າວປາໄສ.

ກອງປະຊຸມສຸດຍອດເທື່ອນີ້ຈະດຳເນີນເປັນເວລາ 2 ວັນ, ສະມາຊິກກຸ່ມ G20, ຜູ້ນຳຂອງປະເທດທີ່ເປັນແຂກແລະຜູ້ຮັບຜິດຊອບຂອງອົງການຈັດຕັ້ງສາກົນທີ່ກ່ຽວຂ້ອງຈະດຳເນີນການປຶກສາຫາລືກ່ຽວກັບຫົວຂໍ້ຕ່າງໆເຊັ່ນ: "ສ້າງເສດຖະກິດໂລກທີ່ປະດິດສ້າງໃໝ່, ມີຊີວິດຊີວາ, ເຊື່ອມຈອດກັນແລະກວມລວມ" , "ເພີ່ມທະວີການປະສານສົມທົບດ້ານນະໂຍບາຍ, ສ້າງຮູບການເຕີບໂຕເສດຖະກິດໃໝ່" , "ການແກ້ໄຂເສດຖະກິດການເງິນທົ່ວໂລກທີ່ມີປະສິດທິພາບສູງກວ່າເກົ່າ" "ການຄ້າແລະການລົງທຶນສາກົນທີ່ເຂັ້ມແຂງ" "ການພັດທະນາແບບເຊື່ອມຈອດກັນແລະກວມລວມ" "ບັນຫາພົ້ນເດັ່ນອື່ນໆທີ່ມີຜົນກະທົບເຖິງເສດຖະກິດຂອງໂລກ" ແລະອື່ນໆ.