ຕາມຂ່າວCRI: ໃນໂອກາດລະນຶກການສ້າງສາຍພົວພັນຄູ່ເຈລະຈາລະຫວ່າງຈີນ-ອາຊຽນຄົບຮອບ 25 ປີທີ່ໄດ້ຈັດຂຶ້ນຢູ່ນະຄອນຫຼວງວຽງຈັນແຫ່ງ ສປປ ລາວໃນວັນທີ 7 ກັນຍານີ້, ທ່ານ ສູນທອນ ຄັນທະວົງ ຫົວໜ້າສຳນັກຂ່າວສານປະເທດລາວກ່າວທີ່ໃຫ້ສຳພາດຕໍ່ນັກຂ່າວ CRI ວ່າ: ການຮ່ວມມືລະຫວ່າງຈີນ-ອາຊຽນແມ່ນແບບຢ່າງໃນການປົກປັກຮັກສາສັນຕິພາບແລະສະຖຽນລະພາບຂອງພາກພື້ນ.
ທ່ານສູນທອນກ່າວວ່າ: "ນັບແຕ່ອາຊຽນແລະຈີນສ້າງສາຍພົວພັນຄູ່ຮ່ວມເຈລະຈາຄົບຮອບ 25 ປີເປັນຕົ້ນມາ, ການຮ່ວມມືລະຫວ່າງສອງຝ່າຍໄດ້ຮັບໝາກຜົນອັນໃໝ່ຢ່າງບໍ່ຢຸດຢັ້ງ. ຂະນະດຽວກັນກໍເປັນການປົກປັກຮັກສາສັນຕິພາບແລະສະຖຽນລະພາບຂອງພາກພື້ນ ທັງກາຍເປັນແບບຢ່າງໃນການປົກປັກຮັກສາສັນຕິພາບແລະສະຖຽນລະພາບຂອງພາກພື້ນ."
ນອກຈາກນີ້,ທ່ານ ສູນທອນ ຄັນທະວົງຍັງໄດ້ຕີລາຄາສູງຕໍ່ທ່ານ ຫຼີເຄີ້ສຽງ ນາຍົກລັດຖະມົນຕີຈີນທີ່ເດີນທາງຢ້ຽມຢາມລາວວ່າ: ໃນຊຸມປີຜ່ານມາ,ການພົວພັນລະຫວ່າງຈີນ-ລາວໄດ້ຮັກສາທ່າອ່ຽງແຫ່ງການພັດທະນາທີ່ດີ. ໂຄງການ "ດາວທຽມໜຶ່ງຂອງລາວ" ແລະ ໂຄງການທາງລົດໄຟລາວ-ຈີນທີ່ສອງປະເທດຮ່ວມມືເພື່ອສະເຫຼີມສະຫຼອງວັນຊາດລາວຄົບຮອບ 40 ປີລ້ວນແຕ່ໄດ້ລົງເລິກມິດຕະພາບອັນເປັນມູນເຊື້ອລະຫວ່າງສອງປະເທດພ້ອມທັງໄດ້ຊຸກຍູ້ການພັດທະນາເສດຖະກິດສັງຄົມຂອງລາວຢ່າງແຂງແຮງ; ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ທີ່ຈີນສະເໜີອອກກໍສອດຄ່ອງກັບຍຸດທະສາດຈາກປະເທດທີ່ບໍ່ມີທາງອອກສູ່ທະເລເປັນປະເທດໃຈກາງບໍລິການທາງຜ່ານຂອງລາວຫຼາຍທີ່ສຸດ.
ທ່ານ ສູນທອນ ຄັນທະວົງ ກ່າວດ້ວຍຄວາມເຊື່ອໝັ້ນວ່າ: ການຢ້ຽມຢາມ ສປປ ລາວຂອງທ່ານ ຫຼີເຄີ້ສຽງ ຄັ້ງນີ້ຈະເປັນການເພີ່ມທະວີການຮ່ວມມືຮອບດ້ານລະຫວ່າງສອງຝ່າຍຕື່ມອີກ ທັງຈະຊ່ວຍປະເທດລາວບັນລຸເປົ້າໝາຍຫຼຸດພົ້ນອອກຈາກປະເທດດ້ອຍພັດທະນາໃນປີ 2020.
