ວັນທີ 12 ກັນຍານີ້,ໃນການແຂ່ງຂັນແລ່ນ 1500 ແມັດຊາຍ ຂັ້ນT13 ໃນມະຫະກຳກິລາໂອລິມປິກຄົນພິການທີ່ກຳລັງຈັດຂຶ້ນຢູ່ເມືອງຣີໂອ ປະເທດເບຣຊິນນັ້ນ, ເປັນເລື່ອງທີ່ໜ້າງຶດເມື່ອຜົນງານຂອງນັກກິລາທີ່ໄດ້ທີ 1 ຫາ ທີ 4 ນັ້ນລ້ວນແຕ່ໄວກວ່າ ສະຖິຕິຂອງທ້າວແຊນໂຕຣວິສ ນັກກິລາອາເມລິກາທີ່ເປັນແຊ໊ມ ລາຍການດັ່ງກ່າວໃນມະຫະກຳກິລາໂອລິມປິກຣີໂອທີ່ຈັດຂຶ້ນໃນເດືອນສິງຫາຜ່ານມາທີ່ສ້າງໄວ້ 3 ນາທີ 50 ວິນາທີ 00 ລິບດາ. ທັງນີ້ຜົນງານຂອງທ້າວ ບາຄາ ອັບເດວລາຕິຟ ນັກກິລາອານເຊຣີທີ່ເປັນແຊ໊ມໃນມະຫະກຳກິລາໂອລິມປິກຄົນພິການຣີໂອຄື 3 ນາທີ 48 ວິນາທີ 29 ລິບດາ. ຫຼັງການແຂ່ງຂັນ,ແຊ໊ມຜູ້ນີ້ໄດ້ເວົ້າກົງໆວ່າ: ພວກເຮົາ 4 ຄົນທັງແຕ່ທີ 1 ຫາ ທີ 4 ຄວນໄດ້ຮັບຫຼຽນຄຳໂອລິມປິກທັງໝົດ.