ການນຳສະເໜີບົດລາຍງານຄົ້ນຄວ້າການສ້າງຄວາມສະດວກແກ່ການຄ້າລະຫວ່າງຈີນ-ອາຊຽນ(ກຳປູເຈຍ-ລາວ-ມຽນມາ-ຫວຽດນາມ)ໄດ້ຈັດຂຶ້ນຢູ່ເມືອງໜານໜິງ ເຂດປົກຄົງຕົນເອງເຜົ່າຈ້ວງກວາງຊີ ສປ ຈີນໃນວັນທີ 12 ກັນຍານີ້ ເຊິ່ງເປັນກິດຈະກຳໜຶ່ງທີ່ຈັດຂຶ້ນໃນໄລຍະດຳເນີນກອງປະຊຸມສຸດຍອດການຄ້າແລະການລົງທຶນຈີນ-ອາຊຽນຄັ້ງທີ 13.
ບົດລາຍງານຄົ້ນຄວ້າດັ່ງກ່າວລິເລີ່ມໂດຍກອງເລຂາຂອງກອງປະຊຸມສຸດຍອດການຄ້າແລະການລົງທຶນຈີນ-ອາຊຽນໂດຍແນໃສ່ແກ້ໄຂບັນຫາຕ່າງໆທີ່ມີຢູ່ໃນການຄ້າລະຫວ່າງຈີນກັບ 4 ປະເທດສະມາຊິກອາຊຽນດັ່ງກ່າວເຊັ່ນການບໍ່ໄດ້ຮັບຄວາມສະດວກໃນການຜ່ານດ່ານ, ມາດຕະ ຖານດ້ານລະບຽບການມີຄວາມແຕກໂຕນກັນ,ພື້ນຖານໂຄງລ່າງຫຼ້າຫຼັງຫຼາຍ, ຂັ້ນຕອນ ສັບສົນແລະບັນຫາອື່ນໆ ທັງໄດ້ວາງຂໍ້ສະເໜີດ້ານນະໂຍບາຍ 5 ດ້ານຄື ສະພາບແວດລ້ອມການຜ່ານດ່ານ, ສະພາບແວດລ້ອມຂອງລະບຽບການ, ປະສິດທິພາບຂອງດ່ານຊາຍແດນ, ການ ຄ້າເອເລັກໂຕຣນິກແລະການເຄື່ອນໄຫວຂອງນັກທຸລະກິດ. ຜົນຂອງບົດລາຍງານຄົ້ນຄວ້າດັ່ງກ່າວເປັນຜົນດີຕໍ່ການຍົກລະດັບຄວາມສະດວກ ສະບາຍຂອງການຄ້າລະຫວ່າງຈີນ-ອາຊຽນທັງເປັນການຊຸກຍູ້ການກໍ່ສ້າງເພື່ອຍົກລະດັບເຂດການຄ້າເສລີຈີນ-ອາຊຽນ.
