ກອງທັບຮັບປະກັນພະລາທິການປະສົມຂອງຄະນະກຳມະການການທະຫານສູນກາງຈີນ ໄດ້ສ້າງຕັ້ງຂຶ້ນຢ່າງເປັນທາງການຢູ່ນະຄອນຫຼວງປັກກິ່ງໃນວັນທີ 13 ກັນຍານີ້ ໂດຍທ່ານ ສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນ, ປະທານປະເທດ, ປະທານຄະນະກຳມະການການທະຫານສູນກາງຈີນ ໄດ້ມອບທຸງໃຫ້ກອງທັບດັ່ງກ່າວແລະກ່າວຄຳໂອວາດ.
ທ່ານ ຢາງຢີຈູ່ນ ໂຄສົກກະຊວງປ້ອງກັນປະເທດຈີນກ່າວໃນກອງປະຊຸມຂ່າວກ່ຽວກັບການປະຕິຮູບລະບົບຮັບປະກັນພະລາທິການກະຊວງການຕ່າງປະເທດວ່າ, ກອງທັບດັ່ງກ່າວແມ່ນກຳລັງຕົ້ນຕໍໃນການປະຕິບັດໜ້າທີ່ຮັບປະກັນດ້ານພະລາທິການແລະສະໜັບສະໜູນດ້ານຍຸດທະສາດແລະບັ້ນຮົບ, ແມ່ນພາກສ່ວນທີ່ສຳຄັນຂອງລະບົບກຳລັງການທະຫານທັນສະໄໝທີ່ມີເອກະລັກພິເສດຂອງຈີນ. ພວກເຮົາຍຶດໝັ້ນຄວາມຮຽກຮ້ອງຕ້ອງການທີ່ຮ່ວມກັນສູ້ຮົບ, ຮ່ວມກັນຝຶກຊ້ອມ ແລະຮ່ວມກັນຮັບປະກັນ, ພະຍາຍາມສ້າງກອງທັບຮັບປະກັນດ້ານພະລາທິການທີ່ທັນສະໄໝແລະເຂັ້ມແຂງໃຫ້ໄວຂຶ້ນກວ່າເກົ່າ.