ຈີນມີຄວາມພະຍາຍາມຈັດຕັ້ງປະຕິບັດເປົ້າໝາຍການພັດທະນາແບບຍືນຍົງຢ່າງແທ້ຈິງ

ທ່ານ ເດວິດ ນາບາໂຣ ທີ່ປຶກສາພິເສດວາລະການພັດທະນາແບບຍືນຍົງປີ 2030 ຂອງເລຂາທິການໃຫຍ່ອົງການສະຫະປະຊາຊາດໄດ້ໃຫ້ສຳພາດຕໍ່ນັກຂ່າວ ຫວ່າງມໍ່ໆມານີ້ວ່າ: ຕົນໄດ້ເຫັນຜູ້ນຳຈີນມີຄວາມພະຍາຍາມຢ່າງແທ້ຈິງແລະສຸຂຸມຮອບຄອບຕໍ່ການຈັດຕັ້ງປະຕິບັດເປົ້າໝາຍການພັດທະນາແບບຍືນຍົງແລະຫວັງວ່າຈະສືບຕໍ່ພະຍາຍາມແບບນີ້ດ້ວຍວິທີສ້າງສັນ."

ທ່ານ ນາບາໂຣ ຊີ້ໃຫ້ເຫັນວ່າ: ຕົນເຄີຍຮ່ວມມືກັບພາກສ່ວນຕ່າງໆຂອງລັດຖະບານຈີນແລະເຫັນທ້ອງຖິ່ນຕ່າງໆຂອງຈີນຕ່າງກໍເລີ່ມລົງມືປະຕິບັດໜ້າວຽກຕ່າງໆກ່ຽວກັບເປົ້າໝາຍການພັດທະນາແບບຍືນຍົງໂດຍສະເພາະລັດຖະບານຈີນໄດ້ໃຫ້ຄວາມສຳຄັນສູງຕໍ່ບັນຫາສິ່ງແວດລ້ອມໃນການວາງແຜນການພັດທະນາ 5 ປີຄັ້ງທີ 13 ໂດຍເອົາບັນຫາດັ່ງກ່າວເປັນບຸລິມະສິດທັງສະເໜີໃຫ້ສະແຫວງຫາການພັດທະນາແບບກາກບອນຕ່ຳນັ້ນເປັນສິ່ງປະທັບໃຈຕົນຫຼາຍ.

ທ່ານ ນາບາໂຣ ຫວັງວ່າຈີນຈະສືບຕໍ່ເຕົ້າໂຮມທຸກໆກຳລັງຂອງທົ່ວສັງຄົມແລະຊຸກຍູ້ການຈັດຕັ້ງປະຕິບັດເປົ້າໝາຍການພັດທະນາແບບຍືນຍົງດ້ວຍວິທີກວມລວມໃນຕໍ່ໜ້າແລະແບ່ງປັນປະສົບການໃຫ້ແກ່ປະເທດອື່ນໆ.