ໜັງສືພິມ "ວຽງຈັນທາມ" ສະບັບວັນທີ 15 ກັນຍານີ້ໄດ້ອ້າງຕາມຄວາມເວົ້າຂອງເຈົ້າໜ້າທີ່ລາວມາລາຍງານວ່າ: ຄາດວ່າຈະເລີ່ມລົງມືກໍ່ສ້າງທາງລົດໄຟລາວ-ຈີນໃນເດືອນທັນວາປີນີ້.
ຜູ້ອຳນວຍການໃຫຍ່ບໍລິສັດທາງລົດໄຟແຫ່ງຊາດລາວທັງເປັນຜູ້ຮັບຜິດຊອບໂຄງການກໍ່ສ້າງທາງລົດໄຟລາວ-ຈີນຝ່າຍລາວຍົກໃຫ້ເຫັນວ່າ, ນອກຈາກເຊັນສັນຍາກັບບໍລິສັດກໍ່ສ້າງຂອງຈີນ 6 ແຫ່ງແລ້ວຍັງຕ້ອງເຊັນສັນຍາກັບບໍລິສັດໃຫ້ຄຳປຶກສາ 6 ແຫ່ງອີກ. ໃນນັ້ນ, ໄດ້ເຊັ່ນສັນຍາກັບບໍລິສັດແຫ່ງໜຶ່ງໃນປີຜ່ານມາແລ້ວແລະຍັງຈະເຊັນສັນຍາກັບບໍລິສັດຈີນອີກ 5 ແຫ່ງໃນເດືອນໜ້າ.
ທ່ານ ກ່າວວ່າ, ໃຫ້ມີການເວນຄືນທີ່ດິນ, ການມ້າງເຮືອນແລະການຈ່າຍຄ່າຊົດເຊີຍໃຫ້ປະຊາຊົນຕາມທາງລົດໄຟຢູ່ປະເທດຕົນຈະສຳເລັດໃນປີນີ້. ນອກນີ້ອາດຈະຕ້ອງໄດ້ກຳນົດຂອບເຂດເວນຄືນທີ່ດິນຂອງສະຖານີລົດໄຟທີ່ຈະສ້າງຂຶ້ນຕາມທາງລົດໄຟກ່ອນລົງມືກໍ່ສ້າງ. ແນວໃດກໍດີທາງລົດໄຟທຸກໆຍານຈະລົງມືກໍ່ສ້າງພ້ອມກັນ.
ຂະນະທີ່ວັນທີ 16 ກັນຍານີ້, ເຈົ້າໜ້າທີ່ໂຄງການທາງລົດໄຟລາວ-ຈີນຝ່າຍຈີນໃຫ້ສຳພາດຕໍ່ນັກຂ່າວວ່າ, ສອງປະເທດຈີນ-ລາວພວມພົວພັນແລະປຶກສາຫາລືໜ້າວຽກຕ່າງໆເປັນຕົ້ນການກໍ່ສ້າງແລະອື່ນໆ, ສ່ວນເວລາລົງມືກໍ່ສ້າງກໍຈະເປີດເຜີຍຕາມຫຼັງເທື່ອລະກ້າວ.
 |
