ໃນໂອກາດອົງການສະຫະປະຊາຊາດອອກ "ຖະແຫຼງການການພັດທະນາສິດທິ" ຄົບຮອບ 30 ປີ, ຫ້ອງການຖະແຫຼງຂ່າວລັດຖະບານຈີນໄດ້ຈັດງານວາງສະແດງຮູບພາບ "ພາລະກິດສິດທິມະນຸດຂອງຈີນທີ່ພັດທະນາກ້າວໜ້າຢ່າງບໍ່ຢຸດຢັ້ງ" ຢູ່ສຳນັກງານໃຫຍ່ອົງການສະຫະປະຊາຊາດນິວຢອກສະຫະລັດອາເມລິກາໃນວັນທີ 19 ກັນຍານີ້.
ໃນງານວາງສະແດງເທື່ອນີ້ໄດ້ວາງສະແດງຮູບພາບ 80 ກວ່າພາບທີ່ສ່ອງແສງໃຫ້ເຫັນເຖິງຄວາມກ້າວໜ້າໃນພາລະກິດສິດທິມະນຸດຂອງຈີນໃນຊຸມປີຜ່ານມາຈາກຫຼາຍມຸມມອງ, ຫຼາຍລະດັບ ແລະ ເປັນທີ່ປະຈັກຕາ ທັງໄດ້ສະແດງໃຫ້ເຫັນເຖິງເສັ້ນທາງພັດທະນາສິດທິມະນຸດຂອງຈີນ ຄື ຈາກ "ການບັນຈຸສິດທິມະນຸດເຂົ້າໃນລັດຖະທຳມະນູນ" ຕະຫຼອດເຖິງ "ການຊຸກຍູ້ການປົກຄອງປະເທດດ້ວຍກົດໝາຍຢ່າງຮອບດ້ານ" ຢ່າງມີຊີວິດຊີວາ. ຈີນໄດ້ຈັດເອົາສິດຢູ່ລອດ ແລະ ສິດພັດທະນາໄວ້ເປັນອັນດັບທຳອິດ ແລະໄດ້ປະກອບສ່ວນເຂົ້າໃນພາລະກິດຫຼຸດຜ່ອນຄວາມທຸກຍາກທົ່ວໂລກຢ່າງຕັ້ງໜ້າ.
ງານວາງສະແດງດັ່ງກ່າວຈະດຳເນີນຈົນເຖິງວັນທີ 23 ກັນຍານີ້ຈຶ່ງຈະສິ້ນສຸດລົງ.
