ທ່ານ ຫຼີເຄິ້ສຽງ ນາຍົກລັດຖະມົນຕີຈີນໄດ້ເປັນປະທານການສຳມະນາທີ່ມີຫົວຂໍ້ "ເປົ້າໝາຍການພັດທະນາແບບຍືນຍົງ: ພະຍາຍາມຮ່ວມກັນເພື່ອດັດແປງໂລກຂອງພວກເຮົາ" ທີ່ຈັດຂຶ້ນຢູ່ອົງການສະຫະປະຊາຊາດໃນວັນທີ 19 ກັນຍານີ້ໂດຍທ່ານ ບັນກີມູນ ເລຂາທິການໃຫຍ່ອົງການສະຫະປະຊາຊາດ, ປະທານສະມັດຊາໃຫຍ່ອົງການສະຫະປະຊາຊາດຊຸດທີ 71 ພ້ອມດ້ວຍຜູ້ຮັບຜິດຊອບ 16 ອົງການຈັດຕັ້ງສາກົນເຂົ້າຮ່ວມ. ໂອກາດດັ່ງກ່າວ, ທ່ານ ບັນກີມູນ ໄດ້ສະແດງຄວາມຍ້ອງຍໍຊົມເຊີຍວ່າ: "ຂ້າພະເຈົ້າບໍ່ຄ່ອຍເຫັນຜູ້ຮັບຜິດຊອບອົງການຈັດຕັ້ງສາກົນຫຼາຍປານນີ້ໃນກອງປະຊຸມໃດໜຶ່ງເຊິ່ງນີ້ໄດ້ສະແດງໃຫ້ເຫັນເຖິງຄວາມສາມາດ ນຳພາຂອງທ່ານ ຫຼີເຄິ້ສຽງ ຢ່າງເຕັມສ່ວນ."