ໂດຍຕອບສະໜອງຕາມການເຊື້ອເຊີນຂອງທ່ານ ຈັສຕິນ ຕຣູໂດ ນາຍົກລັດຖະ ມົນຕີການາດາ, ທ່ານ ຫຼີເຄິ້ສຽງ ນາຍົກລັດຖະມົນຕີຈີນພ້ອມພັນລະຍາແລະຄະນະໄດ້ເດີນທາງດ້ວຍຍົນພິເສດເຖິງນະຄອນຫຼວງອົດຕາວາປະເທດການາດາໃນຕອນບ່າຍວັນທີ 21 ກັນຍານີ້ແລະເລີ່ມຢ້ຽມຢາມປະເທດດັ່ງກ່າວຢ່າງເປັນທາງການ.
ທ່ານ ຫຼີເຄິ້ສຽງ ກ່າວວ່າ: ສາຍພົວພັນລະຫວ່າງຈີນ-ການາດາມີພື້ນຖານອັນໝັ້ນແກ່ນ, ມີຄວາມສາມາດບົ່ມຊ້ອນອັນມະຫາສານແລະເປັນໂອກາດການພັດທະນາທີ່ສຳຄັນ. ແນວໃດກໍດີການຢ້ຽມຢາມເທື່ອນີ້ຈະເປັນການເລີ່ມຕົ້ນກົນໄກພົບປະປະຈຳປີລະຫວ່າງນາຍົກລັດຖະມົນຕີສອງປະເທດຢ່າງເປັນທາງການໂດຍ ສອງຝ່າຍຈະປຶກສາຫາລືບັນຫາທີ່ສົນໃຈຮ່ວມກັນຢ່າງເລິກເຊິ່ງຕື່ມອີກ ເພື່ອຊຸກຍູ້ການແລກປ່ຽນແລະຮ່ວມມືໃນຂົງເຂດຕ່າງໆແລະເສີມຂະຫຍາຍສາຍພົວພັນລະຫວ່າງສອງປະເທດໃນໄລຍະໃໝ່.
1 2 
