ກິດຈະກຳຕ່າງໆທີ່ມີຫົວຂໍ້ວ່າ"ສຳຜັດຈີນ·ເດີນທາງຢູ່ໄທ"ໄດ້ຈັດຂຶ້ນຢູ່ນະຄອນຫຼວງບາງກອກຂອງໄທໃນວັນທີ 23 ກັນຍານີ້ ໂດຍມີຫ້ອງການຖະແຫຼງຂ່າວຄະນະລັດຖະບານຈີນ ສະຖານທູດຈີນປະຈຳໄທ ແລະ ສະມາຄົມມິດຕະພາບໄທ-ຈີນເປັນເຈົ້າພາບຮ່ວມກັນ.
ກິດຈະກຳໃນວັນທີ 23 ກັນຍານີ້ລວມທັງ: ພິທີເປີດກິດຈະກຳ"ສຳຜັດຈີນ·ເດີນທາງຢູ່ໄທ"ກໍຄືງານວາງສະແດງເລື່ອງລາວຕ່າງໆກ່ຽວກັບມິດຕະພາບຈີນ-ໄທທີ່ມີຫົວຂໍ້ວ່າ"ພວກເຮົາຢູ່ຮ່ວມກັນ",ງານວາງສະແດງໜັງສືດີເລີດທີ່ມີຫົວຂໍ້ກ່ຽວກັບຈີນ ພ້ອມດ້ວຍງານຮ້ອງເພງມິດຕະພາບຈີນ-ໄທທີ່ມີຫົວຂໍ້ວ່າ"ສຽງເພງຢູ່ເທິງທ້ອງຟ້າສະຫຍາມ"ແລະອື່ນໆ.
ທ່ານຫວາງຊື້ໝີງ ຮອງປະທານປະຈຳການສະຖາບັນຄົ້ນຄວ້າວຽກງານແນວຄິດການເມືອງຈີນໄດ້ກ່າວຄຳປາໄສໃນພິທີເປີດໂດຍກ່າວວ່າ: ກິດຈະກຳ"ສຳຜັດຈີນ"ມີຈຸດປະສົງເພື່ອສ້າງຂົວທີ່ເຊື່ອມຕໍ່ຈິດໃຈແລະຄວາມຮັກແພງລະຫວ່າງປະຊາຊົນສອງຊາດຈີນໄທດ້ວຍການແລກປ່ຽນດ້ານວັດທະນະທຳ, ແລະເຮັດໃຫ້ຈິດໃຈຂອງປະຊາຊົນສອງຊາດຍິ່ງໃກ້ຊິດຕື່ມອີກ.
ງານວາງສະແດງເລື່ອງລາວຕ່າງໆກ່ຽວກັບມິດຕະພາບຈີນ-ໄທທີ່ມີຫົວຂໍ້ວ່າ"ພວກເຮົາຢູ່ຮ່ວມກັນ"ໄດ້ສະແດງໃຫ້ເຫັນເລື່ອງລາວຕ່າງໆທີ່ສະເທືອນໃຈຄົນແລະມີຊີວິດຊີວາເຊິ່ງເກີດຂຶ້ນຢູ່ລະຫວ່າງປະຊາຊົນສອງຊາດຈີນໄທດ້ວຍຮູບພາບ ໜັງສື ວິດີໂອແລະຮູບການອື່ນໆ, ແລະໄດ້ສ່ອງແສງໃຫ້ເຫັນການແລກປ່ຽນແລະການຮ່ວມມືຢ່າງເລິກເຊິ່ງລະຫວ່າງຈີນກັບໄທໃນຂົງເຂດວັດທະນະທຳ ການສຶກສາ ເສດຖະກິດການຄ້າແລະອື່ນໆ.
ກິດຈະກຳ"ສຳຜັດຈີນ·ເດີນທາງຢູ່ໄທ"ຍັງຈະໄປຈັດຂຶ້ນຢູ່ຊຽງໄໝ່,ແລະຈະດຳເນີນໄປຮອດວັນທີ 30 ກັນຍານີ້.