ປາກິສະຖານ ແລະຣັດເຊຍຈັດການຊ້ອມຮົບຮ່ວມເປັນຄັ້ງທຳອິດ
2016-09-25 14:40:16 cri
ວັນທີ 24 ກັນຍານີ້ ປາກິສະຖານ ແລະຣັດເຊຍໄດ້ຈັດການຊ້ອມຣົບຮ່ວມເປັນຄັ້ງທຳອິດຂຶ້ນຢ່າງເປັນທາງການ ເຊິ່ງການຊ້ອມຮົບຮ່ວມຄັ້ງນີ້ໄດ້ໃສ່ຊື່ວ່າ "ມິດຕະພາບ 2016" ປະມານ 200 ຄົນເຂົ້າຮ່ວມ.
ທ່ານອາຊິມ ບາສວາ ໂຄສົກຝ່າຍທະຫານຂອງປາກິສະຖານປະກາດວ່າ, ການຊ້ອມຣົບຮ່ວມຄັ້ງນີ້ຈະດຳເນີນໄປຢູ່ເຂດພູດອຍທາງພາກເໜືອ ແລະສູນຝຶກຊ້ອມກອງຕີພິເສດແຫ່ງໜຶ່ງທີ່ເຂດເຈຣັດ ແຂວງໂກເບີ ປັກທຸນວາທາງພາກເໜືອຂອງປາກິສະຖານ ເຊິ່ງການຊ້ອມຣົບຈະເນັ້ນໃສ່ການສູ້ຮົບຢູ່ເຂດພູດອຍ ລວມທັງການລົບລ້າງກຸ່ມປະກອບອາວຸດທີ່ຜິດກົດໝາຍ ແລະໜ້າທີ່ອື່ນໆ, ທະຫານຮາບສູ້ຮົບທາງພູດອຍຂອງຣັດເຊຍ 70 ກວ່າຄົນໄດ້ເດີນທາງໄປຮອດປາກິສະຖານແລ້ວໃນວັນທີ 23 ກັນຍານີ້.
ທ່ານບາສວາກ່າວວ່າ, ການຊ້ອມຮົບຮ່ວມຄັ້ງທຳອິດລະຫວ່າງປາກິສະຖານ ແລະຣັດເຊຍໄດ້ສະແດງໃຫ້ເຫັນວ່າການພົວພັນສອງຝ່າຍມີການຂະຫຍາຍຕົວເປັນກ້າວໆ, ການຊ້ອມຮົບບຮ່ວມຄັ້ງນີ້ຈະຊ່ວຍໃຫ້ທັງສອງຝ່າຍຊົມໃຊ້ບົດຮຽນສູ້ຮົບບນຳກັນ ແລະເພີ່ມທະວີຄວາມສາມາດໃນການຮ່ວມມືກັນ.
