ງານຮ້ອງເພງມິດຕະພາບຈີນອາຊຽນ 2016 ຈະຈັດຂຶ້ນໃນວັນທີ 14 ຕຸລາປີນີ້ ຢູ່ເມືອງໄຫໂຂວແຫ່ງແຂວງໄຫຫຼຳຂອງຈີນ. ພາຍໃຕ້ການເປັນເຈົ້າພາບຮ່ວມຂອງວິທະຍຸສາກົນແຫ່ງປະເທດຈີນຫຼື CRI, ວິທະຍຸໂທລະພາບແຂວງໄຫຫຼຳແລະພະແນກຖະແຫຼງຂ່າວການພິມຈຳໜ່າຍວິທະຍຸໂທລະພາບຮູບເງົາກວາງຊີ.
ງານຮ້ອງເພງມິດຕະພາບຈີນ-ອາຊຽນມີເປົ້າໝາຍທີ່ຖືດົນຕີເປັນຂົວຕໍ່, ສົ່ງເສີມການແລກປ່ຽນທາງວັດທະນະທຳລະຫວ່າງຈີນກັບບັນດາປະເທດອາຊຽນ, ຮ້ອງເພງເພື່ອຄວາມກົມກຽວກັນແລະມິດຕະພາບຂອງພາກພົ້ນຕົນ. ໃນເວລານັ້ນ, ນັກຮ້ອງທີ່ມີຊື່ສຽງຈາກ 10 ປະເທດອາຊຽນຈະສະແດງຮ່ວມກັບນັກຮ້ອງຈີນ, ຮ້ອງເພງໂດດເດັ່ນສະແດງຄວາມເປັນເອກະລັກຂອງແຕ່ລະປະເທດ, ສະແດງວັດທະນະທຳດົນຕີທີ່ອຸດົມສົມບູນແລະມີສີສັນຄວາມເປັນເອກະລັກຂອງຈີນແລະອາຊີຕາເວັນອອກສຽງໃຕ້.
ຄະນະກຳມະການຈັດງານຍັງຈະໄດ້ສົ່ງທີມງາມເດີນທາງ 10 ປະເທດອາຊຽນ, ເພື່ອຖ່າຍທຳຟິມສາລະຄະດີລວມທັງຄັດເລືອກນັດຮ້ອງແລະເພງທີ່ຈະສະແດງໃນງານຮ້ອງເພງ ເພື່ອສະແດງຮີດຄອງປະເພນີອັນເປັນເອກກະລັກພິເສດຂອງປະເທດອາຊີຕາເວັນອອກສຽງໃຕ້ແລະການແລກປ່ຽນລະຫວ່າງວັດທະນະທຳດົນຕີຕ່າງໆພາຍໃນພາກພື້ນ. ສື່ຕ່າງໆທີ່ມີຫຼາຍພາສາຂອງວິທະຍຸສາກົນແຫ່ງປະເທດຈີນ, ວິທະຍຸໂທລະພາບແຂວງໄຫຫຼຳ, ໂທລະພາບກວາງຊີແລະສື່ມວນຊົນຂອງ 10 ປະເທດອາຊຽນຈະອອກອາກາດງານຮ້ອງເພງແລະຟີມສາລະຄະດີດັ່ງກ່າວ.
