ວັນທີ 24 ກັນຍານີ້, ສະຖາບັນຂົງຈື້ຂອງມະຫາວິທະຍາໄລເອີເຣຊຽນແຫ່ງຊາດກາຊັກສະຖານໄດ້ຈັດກິດຈະກຳສະເຫຼີມສະຫຼອງ " ວັນສະຖາບັນຂົງຈື້ທົ່ວໂລກ " , ຜູ່ແທນຫຼາຍຝ່າຍເຊັ່ນມະຫາວິທະຍາໄລເອີເຣຊຽນແຫ່ງຊາດກາຊັກສະຖານ, ສະຖານທູດຈີນປະຈຳກາຊັກສະຖານແລະບໍລິສັດຈີນປະຈຳກາຊັກສະຖານເປັນຕົ້ນໄດ້ເຂົ້າຮ່ວມກິດຈະກຳດັ່ງກ່າວ.
ອີງຕາມທ່ານນາງດຶ້ງຢິງ ຫົວໜ້າຝ່າຍຈີນຂອງສະຖາບັນຂົງຈື້ມະຫາວິທະຍາໄລເອີເຣຊຽນໃຫ້ຮູ້ວ່າ, ຫຼັງຈາກສະຖາບັນຂົງຈື້ຂອງມະຫາວິທະຍາໄລເອີເຣຊຽນສ້າງຕັ້ງຂຶ້ນໃນວັນທີ 5 ທັນວາປີ 2007 ເປັນຕົ້ນມາ, ໄດ້ຮັບເອົານັກຮຽນລວມທັງໝົດ 3399 ຄົນ, ພາກຮຽນນີ້ຮັບເອົານັກຮຽນ 510 ຄົນ, ຖືວ່າເປັນຈຳນວນຫຼາຍທີ່ສຸດໃນປະຫວັດສາດ.
ຮອງຫົວໜ້າມະຫາວິທະຍາໄລເອີເຣຊຽນກ່າວວ່າ, ການແລກປ່ຽນລະຫວ່າງສອງປະເທດຕ້ອງການຜູ້ມີຄວາມຮູ້ຄວາມສາມາດດ້ານດ້ານພາສາຫຼາຍກວ່າເກົ່າ, ສາຖາບັນຂົງຈື້ໄດ້ເສີມຂະຫຍາຍບົດບາດອັນສຳຄັນໃນດ້ານນີ້. ນັກຮຽນບໍ່ພຽງແຕ່ຮຽນຮູ້ພາສາຈີນຢູ່ສະຖາບັນຂົງຈື້ນ, ຍັງເພີ່ມຄວາມຮັບຮູ້ຕໍ່ສະພາບຕົວຈິງຂອງຈີນແລະຈະກາຍເປັນຂົວທີ່ຊຸກຍູ້ສອງປະເທດເຂົ້າໃຈເຊິ່ງກັນແລະກັນແລະປັບປຸງມິດຕະພາບໃຫ້ແໜ້ນແຟ້ນ.
ກິດຈະກຳ " ວັນສະຖາບັນຂົງຈື້ທົ່ວໂລກ " ເລີ່ມແຕ່ປີ 2014 , ຫຼັງຈາກນັ້ນ, ກິດຈະກຳນີ້ກາຍເປັນກິດຈະກຳວັດທະນະທຳທີ່ຈັດຂຶ້ນເປັນປະຈຳໃນແຕ່ລະປີຢູ່ສະຖາບັນຂົງຈື້ໃນທົ່ວໂລກ.