ທ່ານນາງ ຄຣິສຕິນ ລາກາດ ຜູ້ອຳນວຍການໃຫຍ່ອົງການກອງທຶນເງິນຕາສາກົນ ຫຼື IMF ໄດ້ກ່າວໃນໂອກາດເຂົ້າຮ່ວມກິດຈະກຳຢູ່ສະຖາບັນການຄ້າເກລອກຂອງມະຫາວິທະຍາໄລຕາເວັນຕົກສຽງເໜືອສະຫະລັດອາເມລິກາວ່າ: ຊຸມປີມໍ່ໆມານີ້, ການເຕີບໂຕຂອງເສດຖະກິດໂລກສືບຕໍ່ອ່ອນແອ, ເຖິງວ່າອາເມລິກາໄດ້ຟື້ນຟູການເຕີບໂຕຂອງເສດຖະກິດກ່ອນໝູ່ໃນບັນດາກຸ່ມເສດຖະກິດພັດທະນາກໍຕາມ, ແຕ່ກໍບໍ່ໝັ້ນທ່ຽງ. ຈາກນີ້ IMF ຈຶ່ງໄດ້ປັບຫຼຸດຄວາມຄາດຫວັງຕໍ່ເສດຖະກິດ ຂອງອາເມລິກາຫຼາຍເທື່ອໃນປີນີ້. ຂະນະທີ່ການເຕີບໂຕຂອງເສດຖະກິດເອີຣົບກໍຕ່ຳກວ່າລະດັບສະເລ່ຍຂອງໂລກແລະຂະແໜງການທະນາຄານເກືອບທຸກປະເທດໃນເອີຣົບລ້ວນແຕ່ຜະເຊີນການກົດດັນຈາກໜີ້ສິນ.
ທ່ານນາງ ລາກາດ ເນັ້ນວ່າ: ທຽບໃສ່ກຸ່ມເສດຖະກິດພັດທະນາແລ້ວ, ກຸ່ມເສດຖະ ກິດກຳລັງພັດທະນາໂດຍສະເພາະຈີນມີການເຕີບໂຕຢ່າງແຂງແຮງໂດຍໄດ້ປະກອບສ່ວນສຳຄັນຕໍ່ການເຕີບໂຕຂອງເສດຖະກິດໂລກ. ຂະນະທີ່ການປັບປຸງອົງປະກອບເສດຖະກິດ, ຈີນສາມາດຮັກສາຈັງຫວະການເຕີບໂຕອ່າວສູງ. ຂະນະດຽວກັນກໍເນັ້ນຄວາມສຳຄັນໃນການຄັດຄ້ານລັດທິປົກປ້ອງການຄ້າຕື່ມອີກ.
 |
