ປະກາດແຈ້ງຂ່າວສະຖິຕິການລົງທຶນໂດຍກົງຕໍ່ພາຍນອກຂອງຈີນ 2015 ທີ່ເປີດເຜີຍໃນເມື່ອມໍ່ໆນີ້ສະແດງໃຫ້ເຫັນວ່າ: ປີ 2015 ຜ່ານມາ, ຈີນໄດ້ສ້າງສະຖິຕິໃໝ່ໃນການລົງທຶນໂດຍກົງຢູ່ອາເມລິກາຄືບັນລຸເຖິງ 8 ຕື້ 29 ລ້ານໂດລາສະຫະລັດ ເຊິ່ງກວມ 5,5%ຂອງຍອດມູນຄ່າການລົງທຶນໂດຍກົງຕໍ່ພາຍນອກຂອງຈີນ.
ປະກາດແຈ້ງຂ່າວສະແດງໃຫ້ເຫັນວ່າ: ປີ 2015 ຜ່ານມາ, ຈີນໄດ້ລົງທຶນໂດຍກົງຢູ່ອາເມລິກາໃນຫຼາຍຂົງເຂດ ໃນນີ້ ມີ 3 ຂະແໜງການໄດ້ລົງທຶນຫຼາຍກວ່າ 1 ຕື້ໂດລາສະຫະລັດ ຂະນະທີ່ການລົງທຶນຫຼາຍກວ່າໝູ່ແມ່ນອຸດສາຫະກຳການຜະລິດໃນມູນຄ່າ 4 ຕື້ 8 ລ້ານໂດລາສະຫະລັດ ເພີ່ມຂຶ້ນ 122,2% ເມື່ອທຽບໃສ່ໄລຍະດຽວກັນຂອງປີ 2014 ເຊິ່ງໄດ້ກວມຍອດມູນຄ່າການລົງທຶນຕໍ່ອາເມລິກາເຖິງ 49,9%; ຂະແໜງການບໍລິການທຸລະກິດແລະການໃຫ້ເຊົ່າ ໄດ້ຮັບການລົງທຶນຫຼາຍອັນດັບສອງໃນມູນຄ່າ 2 ຕື້ 239 ລ້ານໂດລາສະຫະລັດ ແລະຂະແໜງການຄົ້ນຄວ້າວິທະຍາສາດແລະການບໍລິການດ້ານເຕັກນິກເປັນອັນດັບ 3 ໃນມູນຄ່າ 1 ຕື້ 228 ໂດລາສະຫະລັດ.