ວັນທີ 2 ຕຸລານີ້ ທ່ານບັນກີມູນ ເລຂາທິການໃຫຍ່ອົງການສະຫະປະຊາຊາດໄດ້ຜ່ານໂຄສົກອອກຖະແຫຼງການ, ຮຽກຮ້ອງໃຫ້ທຸກຝ່າຍຈົ່ງເລັ່ງປະຕິບັດລະບຽບການໃຫ້ສັດຕະຍາບັນຂອງປະເທດຕົນ ເພື່ອໃຫ້"ສັນຍາປາຣີ"ສາມາດມີຜົນບັງຄັບໃຊ້ໃນປີນີ້ໂດຍໄວເທົ່າທີ່ຈະໄວໄດ້.
ຖະແຫຼງການລະບຸວ່າ, ຄຽງຄູ່ກັບອິນເດຍແລະ 61 ຝ່າຍພາຄີໄດ້ເຊັນສັນຍາໃຫ້ສັດຕະຍາບັນແກ່ "ສັນຍາປາຣີ"ຢ່າງເປັນທາງການ, ໄດ້ເຮັດໃຫ້ປະລິມານການປ່ອຍ ອາຍພິດເຮືອນແກ້ວຂອງຝ່າຍຕ່າງໆທີ່ເຂົ້າຮ່ວມສັນຍາດັ່ງກ່າວ ກວມອັດຕາສ່ວນການປ່ອຍທົ່ວໂລກເຖິງເກືອບ 52%, ເຊິ່ງເປັນບາດກ້າວສຳຄັນທີ່ກ້າວໄປສູ່ເປົ້າໝາຍ 55% ທີ່ເປັນລະດັບທີ່ເຮັດໃຫ້ສັນຍາດັ່ງກ່າວ ມີຜົນບັງຄັບໃຊ້ໃນທີ່ສຸດ.
ທ່ານບັນກີມູນຮຽກຮ້ອງໃຫ້ທຸກຝ່າຍຈົ່ງເລັ່ງປະຕິບັດລະບຽບການໃຫ້ສັດຕະຍາບັນຂອງປະເທດຕົນ, ເຮັດໃຫ້ "ສັນຍາປາຣີ"ມີຜົນບັງຄັບໃຊ້ໃນປີນີ້ໂດຍໄວເທົ່າທີ່ຈະໄວໄດ້. ທ່ານກ່າວວ່າ, ການຮັບມືກັບການປ່ຽນແປງຂອງດິນຟ້າອາກາດ ແມ່ນສຳຄັນທີ່ສຸດຕໍ່ການບັນລຸເປົ້າໝາຍພັດທະນາແບບຍືນຍົງ ແລະສ້າງອະນາຄົດທີ່ຈະເລີນຮຸ່ງເຮືອງ ສະເໝີພາບ ແລະເໝາະກັບການດຳລົງຊີວິດ.
 |
