ຕາມຂ່າວCRI: ວັນທີ 4 ຕຸລານີ້, ລັດຖະສະພາເອີລົບໄດ້ລົງຄະແນນສຽງ, ເຫັນດີສະຫະ ພາບເອີລົບໃຫ້ສັດຕະຍາບັນ "ສັນຍາປາຣີ" . ສົ່ງຜົນເຮັດໃຫ້ "ສັນຍາປາຣີ" ມີຫວັງຈະມີຜົນບັງຄັບໃຊ້ກ່ອນທ້າຍປີນີ້.
ກ່ອນສະຫະພາບເອີລົບໃຫ້ສັດຕະຍາບັນ "ສັນຍາປາຣີ", ມີ 62 ຝ່າຍເຊັນສັນຍາໄດ້ໃຫ້ສັດຕະຍາບັນ "ສັນຍາປາຣີ"ຢ່າງເປັນທາງການ, ແຕ່ການລະບາຍອາຍພິດເຮືອນແກ້ວຂອງ 62 ຝ່າຍດັ່ງກ່າວພຽງແຕ່ກວມ 52% ຂອງລວມຍອດການລະບາຍຂອງທົ່ວໂລກ. ພາຍຫຼັງສະຫະພາບເອີລົບໃຫ້ສັດຕະຍາບັນສັນຍາດັ່ງກ່າວແລ້ວ, ການລະບາຍອາຍພິດເຮືອນແກ້ວຂອງຝ່າຍເຊັນສັນຍາຈະກວມ 55% ຂອງລວມຍອດການລະບາຍ, ນີ້ໄດ້ທຳລາຍອຸປະສັກບັດໃຫ້ແກ່ "ສັນຍາປາຣີ" ມີຜົນບັງຄັບໃຊ້ຢ່າງເປັນທາງການ.
ສິ່ງທີ່ໜ້າສົນໃຈກໍຄື, ສະຫະພາບເອີລົບໄດ້ໃຫ້ສັດຕະຍາບັນ "ສັນຍາປາຣີ" ກ່ອນປະເທດສະມາຊິກຕ່າງໆຂອງຕົນສຳເລັດຂັ້ນຕອນໃຫ້ສັດຕະຍາບັນຂອງປະເທດຕ່າງໆ. ຕໍ່ໄປ, ປະເທດສະມາຊິກສະຫະພາບເອີລົບທີ່ຍັງບໍ່ທັນໄດ້ໃຫ້ສັດຕະຍາບັນ "ສັນຍາປາຣີ" ຄວນສຳເລັດຂັ້ນຕອນໃຫ້ສັດຕະຍາບັນຂອງປະເທດຕົນໂດຍໄວ.