ວັນທີ 2 ຕຸລານີ້ຢູ່ສະໜາມບິນເຊິນເຍິດນະຄອນໂຮ່ຈີມິງປະເທດຫວຽດນາມ, ເຈົ້າໜ້າທີ່ຕຳຫຼວດຫວຽດນາມໄດ້ມອບຜູ້ຕ້ອງສົງໄສການລະດົມເງິນທຶນຂອງປະຊາຊົນແບບຜິດກົດໝາຍສັນຊາດຈີນຄົນໜຶ່ງໃຫ້ແກ່ໜ່ວຍງານຕຳຫຼວດຈີນໂດຍເປັນໝາກຜົນທຳອິດໃນການຈັດຕັ້ງປະຕິບັດຂໍ້ຕົກລົງຂອງກອງປະຊຸມການຮ່ວມມືຕໍ່ຕ້ານອາຊະຍາກຳລະຫວ່າງກະຊວງປ້ອງກັນຄວາມສະຫງົບຈີນ-ຫວຽດນຍາມຄັ້ງທີ 5.
ຂ່າວແຈ້ງວ່າ, ຫຼັງການລະດົມເງິນທຶນຈຳນວນຫຼວງຫຼາຍຂອງປະຊາຊົນເປັນໂດຍການອ້າງໂຄງການລົງທຶນປອມ, ຜູ້ຕ້ອງສົງໄສຄົນນີ້ໄດ້ໂຕນໜີຢູ່ຫວຽດນາມໃນເດືອນມິຖຸນາປີນີ້.
ຂະນະທີ່ຕາມຂໍ້ຕົກລົງລະຫວ່າງກະຊວງປ້ອງກັນຄວາມສະຫງົບສອງປະເທດ, ເຈົ້າໜ້າທີ່ຕຳຫຼວດຫວຽດນາມໄດ້ເພີ່ມທະວີການປະສານງານກັບຈີນໃນການໄລ່ຈັບຜູ້ໂຕນໜີ. ແນວໃດກໍດີ, ຫຼັງການສືບສວນ-ສອບສວນເປັນເວລາຫຼາຍມື້, ເຈົ້າໜ້າທີ່ຕຳຫຼວດຫວຽດນາມກໍໄດ້ພົບແລະຈັບກຸມຜູ້ຕ້ອງສົງໄສຄົນນີ້ຢູ່ເມືອງເກິນເທີປະເທດຕົນໃນຕອນຮຸ່ງເຊົ້າ 1 ໂມງຂອງວັນທີ 29 ກັນຍາທີ່ຜ່ານມາ.