ປະທານາທິບໍດີໂກລົມບີໄດ້ລາງວັນສັນຕິພາບໂນເບວປີ 2016
2016-10-08 10:54:39 cri
ວັນທີ 7 ຕຸລານີ້, ທ່ານກາຊີ ກົວມັນ ຟີວ ປະທານຄະນະກຳມະການໂນເບວຂອງໂນເວປະກາດວ່າ, ຈະມອບລາງວັນສັນຕິພາບໂນເບວປີ 2016 ໃຫ້ທ່ານຮູອັນ ມານູແອນ ຊັນໂຕສ ກາວເດຣົງ ປະທານາທິບໍດີໂກລົມບີ, ເພື່ອຊົມເຊີຍຄວາມພະຍາຍາມໃນການຢຸດຕິສົງຄາມພາຍໃນຂອງປະເທດທີ່ໄດ້ດຳເນີນມາ 50 ກວ່າປີ. ທ່ານຟີວກ່າວວ່າ, ເຖິງວ່າປະສົບຄວາມຫຍຸ້ງຍາກລຳບາກ, ປະຊາຊົນໂກລົມບີກໍບໍ່ເຄີຍປ່ອຍຄວາມຫວັງໃນການສະແຫວງຫາຄວາມເປັນທຳແລະສັນຕິພາບ. ລາງວັນນີ້ເປັນການສະແດງໃຫ້ເຫັນເຖິງຄວາມເຄົາລົບຕໍ່ປະຊາຊົນໂກລົມບີແລະບັນດາຝ່າຍທີ່ເຂົ້າຮ່ວມຂະບວນການສັນຕິພາບ.