ໜັງສືພິມມານີລາທາມສະບັບວັນທີ 9 ຕຸລານີ້ລາຍງານວ່າ: ທ່ານໂຣດຣີໂກ ດູເຕີເຕ ປະທານາທິບໍດີຟີລິບປິນໄດ້ຖະແຫຼງເມື່ອມໍ່ໆນີ້ໂດຍທ້າທາຍອາເມລິກາວ່າ: "ພວກເຈົ້າຢາກໂຄນລົ້ມຂ້າພະເຈົ້າແລະຢາກໃຊ້ອົງການຂ່າວລັບສູນກາງອາເມລິກາກໍໃຫ້ມາໂລດ."ທ່ານດູເຕີເຕທັງຢືນຢັນວ່າເດັດຂາດບໍ່ອະນຸຍາດໃຫ້ອາເມລິກາຖືຟີລິບປິນເປັນຜູ້ເຝົ້າປະຕູຂອງຕົນ.
ໃນຄຳຖະແຫຼງດັ່ງກ່າວ, ທ່ານດູເຕີເຕຍັງຢືນຢັນແນໃສ່ກໍລະນີຂ່າວລາຍງານວ່າອາເມລິກາຈະຢຸດຕິການຊ່ວຍເຫຼືອຟິລິບປິນນັ້ນ ວ່າ ຟີລິບ ປິນຈະບໍ່ຂໍທານນຳອາເມລິກາ ເພາະວ່າເຖິງວ່າຈະບໍ່ມີການຊ່ວຍເຫຼືອຈາກເຂົາເຈົ້າຟີລິບປິນກໍສາມາດຢູ່ລອດໄດ້.
ນັບແຕ່ຂຶ້ນກຳອຳນາດໃນທ້າຍເດືອນມິຖຸນາປີນີ້, ທ່ານດູເຕີເຕມີຄວາມຂັດແຍ້ງກັບອາເມລິກາເລື້ອຍໆສົ່ງຜົນໃຫ້ສາຍພົວພັນຟີລິບປິນ-ອາເມລິກາປະສົບຄວາມຫຍຸ້ງຍາກສັບສົນ. ຕາມຂ່າວແຈ້ງວ່າ: ຜົນ ການສຳຫຼວດຢ່າງເປັນອິດສະຫຼະຄັ້ງຫຼ້າສຸດຂອງອົງການໜຶ່ງຂອງຟີລິບປິນສະແດງໃຫ້ເຫັນວ່າ: ນັບແຕ່ທ່ານດູເຕີເຕຂຶ້ນດຳລົງຕຳແໜ່ງປະທານາທິບໍດີຟີລິບປິນມານີ້, ອັດຕາສະໜັບສະໜູນໄດ້ສູງຂຶ້ນຢ່າງບໍ່ຢຸດຢັ້ງ, ຄົນຟີລິບປິນທີ່ໃຫ້ສຳພາດ ມີ 76% ຮູ້ສຶກເພິ່ງພໍໃຈຕໍ່ການປະພຶດຕົວຂອງທ່ານດູເຕີເຕແລະຜູ້ບໍ່ພໍໃຈກວມ 11%, ຜູ້ໃຫ້ສຳພາດສ່ວນຫຼາຍເຫັນດີນຳມາດຕະການເຂັ້ມແຂງຂອງທ່ານດູເຕີເຕໃນການປາບອາຊະຍາກຳ.
 |
