ວັນທີ 11 ຕຸລານີ້, ກອງປະຊຸມຄົບຄະນະ 4 ຄັ້ງຂອງເວທີປຶກສາຫາລືຊ່ຽງຊ່ານຄັ້ງທີ 7 ໄດ້ອັດລົງຢ່າງເປັນທາງການ. ໂດຍພົນເອກຊ້າຍຢິ່ງຖິງ, ປະທານສະມາຄົມວິທະຍາສາດການທະຫານທັງເປັນຫົວໜ້າສະຖາບັນວິທະຍາສາດການທະຫານຈີນໄດ້ກ່າວປາໄສເຊິ່ງຊີ້ໃຫ້ເຫັນວ່າ, ຜູ້ແທນກອງປະຊຸມໄດ້ເປັນເອກະພາບກັນຂອງຜູ້ຮ່ວມປະຊຸມເປັນ 5 ຂໍ້ຄື:
ໜຶ່ງ, ການຮັກສາສັນຕິພາບແລະສະຖຽນລະພາບຂອງເຂດອາຊີປາຊີຟິກແມ່ນຄວາມຮັບຜິດ ຊອບຮ່ວມກັນຂອງທຸກປະເທດ.
ສອງ, ປະເທດຕ່າງໆຕ້ອງໄດ້ຮ່ວມມືກັນຮັກສາຄວາມໝັ້ນຄົງທາງທະເລຢ່າງສຸດຂີດ.
ສາມ, ລັດທິກໍ່ການຮ້າຍແມ່ນສັດຕູຮ່ວມກັນຂອງມະນຸດ, ປະຊາຄົມໂລກຄວນຮ່ວມກັນປ້ອງກັນແລະຕໍ່ຕ້ານລັດທິກໍ່ການຮ້າຍທຸກຮູບການ.
ສີ່, ການຮ່ວມກັນຊຸກຍູ້ການປະຕິຮູບລະບົບປັບປຸງທົ່ວໂລກໃຫ້ດີຂຶ້ນແມ່ນຄວາມຮຽກຮ້ອງຕ້ອງການຂອງຍຸກສະໄໝ. ເຊິ່ງການທີ່ຈະປັບປຸງທົ່ວໂລກໃຫ້ດີຂຶ້ນນັ້ນ, ຄວນຍຶດໝັ້ນຫຼັກການປຶກສາຫາລືຮ່ວມກັນ, ກໍ່ສ້າງຮ່ວມກັນແລະແບ່ງປັນຜົນປະໂຫຍດຮ່ວມກັນ, ຍຶດໝັ້ນຊຸກຍູ້ການປັບປຸງຄວາມໝັ້ນຄົງຂອງໂລກຢ່າງເດັດດ່ຽວ.
ຫ້າ, ຮ່ວມກັນຊຸກຍູ້ການສ້າງສາຍພົວພັນສາກົນແບບໃໝ່ທີ່ຮ່ວມມືແລະຕ່າງຝ່າຍຕ່າງມີຜົນປະໂຫຍດ. ບັນຫານີ້, ປະເທດຕ່າງໆຄວນຍຶດໝັ້ນການພັດທະນາໂດຍສັນຕິ, ຮ່ວມມືແລະຕ່າງຝ່າຍຕ່າງມີຜົນປະໂຫຍດ, ຊຸກຍູ້ໃຫ້ບັນດາປະເທດພັດທະນາຮ່ວມກັນໃນຂະນະທີ່ປະເທດຕົນສະແຫວງຫາການພັດທະນາ.