(ທ່ານສີຈິ້ນຜິງ ພົບປະທ່ານປູຕິນ)
ວັນທີ 15 ຕຸລານີ້ ທ່ານສີຈິ້ນຜິງ ປະທານປະເທດ ສປ ຈີນໄດ້ພົບປະກັບທ່ານວຼາດີເມຍ ປູຕິນ ປະທານາທິບໍດີຣັດເຊຍຢູ່ ເມືອງໂກອາ ປະເທດອິນເດຍ.
ທ່ານສີຈິ້ນຜິງກ່າວເນັ້ນວ່າ, ຈີນແລະຣັດເຊຍແມ່ນປະເທດມົນຕີຖາວອນຂອງສະພາຄວາມໝັ້ນຄົງອົງການສະຫະປະຊາຊາດ ແລະເປັນປະເທດທີ່ຕະຫຼາດຈະເລີນໃໝ່ທີ່ສຳຄັນ, ຄວນຮັກສາການປະສານງານຢ່າງແໜ້ນແຟ້ນພາຍໃນຂອບຫຼາຍຝ່າຍເຊັ່ນ: ອົງການສະຫະປະຊາຊາດ, ອົງການຮ່ວມມືຊຽງໄຮ້ ແລະອົງການປະເທດ ບຣິກສ (ເບຼຊິນ, ຣັດເຊຍ, ອິນເດຍ, ຈີນ ແລະອາຟຣີກາໃຕ້) ເພື່ອຊຸກຍູ້ໃຫ້ລະບຽບການສາກົນເດີນໄປຕາມທິດທີ່ເປັນທຳແລະສົມເຫດສົມຜົນກວ່າເກົ່າ, ປົກປັກຮັກສາຜົນປະໂຫຍດຂອງປະເທດທີ່ເປັນຕະຫຼາດຈະເລີນໃໝ່ ແລະບັນດາປະເທດ ພວມພັດມະນາ. ໃນກອງປະຊຸມສອດຍຸດ ກຸ່ມ G20ທີ່ໄຂຂຶ້ນຢູ່ເມືອງຫາງໂຈວຂອງຈີນໃນເດືອນຜ່ານມາ ສອງຝ່າຍໄດ້ພົບປະກັນຢ່າງໄດ້ຮັບຜົນງານຫຼາຍດ້ານ, ແລະໄດ້ບັນລຸຄວາມເຫັນທີ່ເປັນເອກະສັນກັນທີ່ສຳຄັນກ່ຽວກັບການຊຸກຍູ້ການພົວພັນຄູ່ຮ່ວມມືແລະປະສານງານຍຸດທະສາດຮອບດ້ານລະຫວ່າງສອງປະເທດໃຫ້ພັດທະນາຂຶ້ນສູ່ລະດັບສູງ. ສະນັ້ນ ສອງຝ່າຍຕ້ອງເລັ່ງລັດຊຸກຍູ້ແລະຜັນຂະຫຍາຍໝາກຜົນທີ່ກ່ຽວຂ້ອງ.
ທ່ານປູຕິນກ່າວວ່າ, ຈີນແມ່ນຄູ່ເສດຖະກິດທີ່ສຳຄັນຂອງຣັດເຊຍ, ຣັດເຊຍຍິນດີຮ່ວມກັບຈີນ, ລົງເລິກການຮ່ວມມືໃນຂົງເຂດພະລັງງານ, ພື້ນຖານໂຄງລ່າງການຄົມມະນາຄົມ, ການຜະລິດດ້ານການບິນ ແລະການບິນອະວະກາດເປັນຕົ້ນ. ຣັດເຊຍສະໜັບສະໜູນສະຫະພັນເສດຖະກິດເອີລົບ-ອາຊີເຊື່ອມຕໍ່ແລະຮ່ວມມືກັບຂໍ້ລິເລີ່ມແລວເສດຖະກິດເສັ້ນທາງສາຍໄໝ.
ມື້ດຽວກັນ ຢູ່ໂກອາຂອງອິນເດຍ ທ່ານສີຈິ້ນຜິງຍັງໄດ້ພົບປະກັບທ່ານໂມດີ ນາຍົກລັດຖະມົນຕີອິນເດຍ, ທ່ານບຼາຊັນດາ ນາຍົກລັດຖະມົນຕີເນປານ ແລະທ່ານຈູມາ ປະທານາທິບໍດີອາຝຣີກາໃຕ້ນຳອີກ.
