ທ່ານກູເທີເລສຈັດຕັ້ງໜ່ວຍງານຊົ່ວຄາວຂອງອົງການສະຫະປະຊາຊາດ
2016-10-16 14:41:56 cri
ວັນທີ 14 ຕຸລານີ້ ທ່ານອັນໂຕນິໂອ ກູເທີເລສ ວ່າທີ່ເລຂາທິການໃຫຍ່ອົງການສະຫະປະຊາຊາດປະກາດຈັດຕັ້ງໜ່ວຍງານຊົ່ວຄາວໜ່ວຍໜຶ່ງຂຶ້ນ ເພື່ອຊ່ວຍວຽກກະກຽມຂອງທ່ານໃນການຮັບໜ້າທີ່ຢ່າງເປັນທາງການໃນວັນທີ 1 ມັງກອນປີໜ້າ. ກອງປະຊຸມສະມັດຊາໃຫຍ່ອົງການສະຫະປະຊາຊາດຄັ້ງທີ 71 ທີ່ ໄດ້ແຕ່ງຕັ້ງທ່ານອັນໂທນິໂອ ກຸເທເລສ ອະດີດນາຍົກລັດຖະມົນຕີປອກຕຸຍການ ອະດີດຂ້າຫຼວງໃຫຍ່ອົງການຂ້າຫຼວງໃຫຍ່ສະຫະປະຊາຊາດເພື່ອຊາວອົບພະຍົບ ຫຼື UNHCR ເປັນເລຂາທິການໃຫຍ່ອົງການສະຫະປະຊາຊາດຊຸດຕໍ່ໄປໃນວັນທີ 13 ຕຸລານີ້. ທ່ານກຸເທເລສຈະເປັນເລຂາທິການໃຫຍ່ຊຸດທີ 9 ໃນປະຫວັດສາດຂອງອົງການສະຫະປະຊາຊາດ ໂດຍຈະດຳລົງຕຳແໜ່ງດັ່ງກ່າວແຕ່ວັນທີ 1 ມັງກອນປີ 2017-ວັນທີ 31 ທັນວາ 2021.
