ກອງປະຊຸມພົບປະລະຫວ່າງຜູ້ນຳບັນດາປະເທດບຣິກສ ຄັ້ງທີ 8 ໄດ້ຈັດຂຶ້ນຢູ່ລັດໂກອາ ປະເທດອິນເດຍ ໃນວັນທີ 16 ຕຸລານີ້ ແລະໄດ້ອອກຖະແຫຼງການໂກອາ ໂດຍເນັ້ນວ່າ: ບັນດາປະເທດບຣິກສ ເຫັນດີດຳເນີນການຮ່ວມມືທີ່ແທ້ຈິງ ແລະໃຫ້ປະຊາຊົນບັນດາປະເທດສະມາຊິກໄດ້ຮັບຜົນປະໂຫຍດໂດຍກົງ ເພື່ອຍົກບົດບາດໃນເວທີສາກົນ.
ໃນຂົງເຂດການເມືອງ, ຖະແຫຼງການລະບຸວ່າ: ປະເທດບຣິກສ ມີຄວາມຈຳເປັນຍຶດໝັ້ນນ້ຳໃຈສາມັກຄີ, ເຂົ້າໃຈ ແລະ ໄວ້ເນື້ອເຊື່ອໃຈ ເຊິ່ງກັນແລະກັນ ແລະເພີ່ມທະວີການປະສານງານ ແລະ ການຮ່ວມມືທີ່ແທ້ຈິງ ໃນກິດຈະການທົ່ວໂລກ. ຂະນະດຽວກັນກໍເນັ້ນຈະຮ່ວມກັນຮັບມືກັບບັນຫາສາກົນ.
ໃນຂົງເຂດເສດຖະກິດ ແລະ ການທະນາຄານ, ຖະແຫຼງການຊີ້ວ່າ: ປະເທດບຣິກສ ຕັດສິນໃຈວ່າ ແຕ່ລະປະເທດຕ່າງຈະນຳໃຊ້ທຸກນະໂຍບາຍ ລວມທັງນະໂຍບາຍປະຕິຮູບເງິນຕາ, ການເງິນ ແລະອົງປະກອບ ເພື່ອບັນລຸເປົ້າໝາຍພັດທະນາ ທີ່ແຂງແຮງ, ຕໍ່ເນື່ອງ, ສົມດຸນ ແລະ ກວມລວມ.
ຖະແຫຼງການຊີ້ຕື່ມວ່າ: ອິນເດຍ, ອາຟຣິກາໃຕ້, ເບຣຊິນ ແລະ ຣັດເຊຍ ສະແດງຄວາມຍິນດີທີ່ຈີນຈະເປັນເຈົ້າພາບຈັດກອງປະຊຸມພົບປະລະຫວ່າງຜູ້ນຳບັນດາປະເທດບຣິກສ ຄັ້ງທີ 9 ໃນປີໜ້າ ທັງຈະພະຍາຍາມສະໜັບສະໜູນຢ່າງເຕັມທີ່.