ງານລາຕີສິລະປະວັນນະຄະດີລະນຶກວັນໄຊຊະນະແຫ່ງການເຄື່ອນທັບທາງໄກຂອງກອງທັບແດງຄົບຮອບ 80 ປີ

ງານລາຕີສິລະປະວັນນະຄະດີລະນຶກວັນໄຊຊະນະແຫ່ງການເຄື່ອນທັບທາງໄກຂອງກອງທັບແດງຄົບຮອບ 80 ປີໄດ້ຈັດຂຶ້ນຢູ່ຫໍສະພາປະຊາຊົນແຫ່ງຊາດນະຄອນຫຼວງປັກກິ່ງໃນຄືນວັນທີ 19 ຕຸລານີ້ໂດຍຜູ້ນຳພັກ-ລັດແລະຊາວນະຄອນຫຼວງປັກກິ່ງ 3000 ກວ່າຄົນເຂົ້າຮ່ວມ ຊົມການສະແດງເພື່ອຫວນຄືນວັນເວລາແຫ່ງໄຊຊະນະທີ່ສະຫງ່າລາສີໃນອະດີດ.

ງານລາຕີດັ່ງກ່າວໄດ້ຈັດຂຶ້ນດ້ວຍການຈັດສາກທີ່ສ່ອງແສງໃຫ້ເຫັນປະຫວັດສາດພ້ອມດ້ວຍການສະແດງດົນຕີ,ການຟ້ອນ,ງີ້ວ, ລະຄອນເວທີແລະສື່ຕ່າງໆເທິງເວທີເພື່ອເນັ້ນການສືບທອດນ້ຳໃຈແຫ່ງການເຄື່ອນທັບທາງໄກແລະເນື້ອໃນຈິດໃຈຂອງຍຸກໃໝ່ ທັງສະແດງໃຫ້ເຫັນພາລະໜ້າທີ່ຮັບຜິດຊອບໃນປະຫວັດສາດຂອງພັກກອມມູນິດຈີນໃນການກູ້ຊາດແລະເສີມຂະຫຍາຍບົດບາດສຳຄັນໃນການນຳພາການຟື້ນຟູຄວາມຈະເລີນຮຸ່ງເຮືອງຂອງປະຊາຊາດຄືນໃໝ່ ແລະເຮັດໃຫ້ທົ່ວພັກທົ່ວກອງທັບປະຊາຊົນບັນດາເຜົ່າທົ່ວທັງຊາດມີຄວາມໝັ້ນໃຈໂດຍບໍ່ລືມຈຸດປະສົງເບື້ອງຕົ້ນແລະສືບຕໍ່ບຸກໜ້າບືນຕົວກ້າວໄປຂ້າງໜ້າ.