ອົງການການຄ້າໂລກໄດ້ເຜີຍແຜ່ບົດລາຍງານຂອງໜ່ວຍວິຊາການກ່ຽວກັບຈີນຮ້ອງຟ້ອງອາເມລິກາໃຊ້ມາດຕະການອ້າງຕ້ານການຂາຍເທຕະຫຼາດ ໃນວັນທີ 19 ຕຸລານີ້ ໂດຍຕັດສິນອາເມລິກາໃຊ້ຫຼາຍມາດຕະການເພື່ອຕ້ານການຂາຍເທຕະຫຼາດຜະລິດຕະພັນສົ່ງອອກຂອງຈີນນັ້ນເປັນການລະເມີດກະຕິກາ.
ເຈົ້າໜ້າທີ່ອົງການການຄ້າໂລກຊີ້ໃຫ້ເຫັນວ່າ: ໃນຄະດີນີ້ໄດ້ກ່ຽວພັນເຖິງຫຼາຍຂະແໜງການ ເຊັ່ນ ຜະລິດຕະພັນກົນຈັກແລະເຄື່ອງຜະລິດໄຟຟ້າ, ອຸດສາຫະກຳເບົາ, ແຮ່ທາດ ແລະອື່ນໆ ໂດຍມີມູນຄ່າສົ່ງອອກປະມານ 8 ຕື້ 400 ລ້ານໂດລາສະຫະລັດຕໍ່ປີ ແລະໄດ້ກ່ຽວພັນເຖິງຜົນປະໂຫຍດການຄ້າທີ່ໃຫຍ່ຫຼວງຂອງຈີນ. ຂະນະທີ່ຈີນໄດ້ເຕືອນອາເມລິກາຈົ່ງເຄົາລົບຜົນການຕັດສິນຂອງອົງການການຄ້າໂລກ ແລະປ່ຽນແປງການກະທຳທີ່ຜິດພາດຂອງຕົນທີ່ນຳໃຊ້ມາດຕະການອຸດໜູນການຄ້າທົ່ວທີບໂດຍໄວເທົ່າທີ່ຈະໄວໄດ້ ເພື່ອຮັບປະກັນໃຫ້ວິສາຫະກິດຈີນມີສະພາບແວດລ້ອມການຄ້າສາກົນແບບແຂ່ງຂັນຢ່າງສະເໝີພາບ.
ເດືອນທັນວາປີ 2013, ຈີນໄດ້ຮ້ອງຟ້ອງຕໍ່ກົນໄກແກ້ໄຂຄວາມຂັດແຍ້ງຂອງອົງການການຄ້າໂລກ ໂດຍຍົກຂໍ້ສົງໄສຕໍ່ການສຳຫຼວດຕ້ານການຂາຍເທຕະຫຼາດຂອງອາເມລິກາ ລວມທັງວິທີການກຳນົດ "ເປົ້າໝາຍການຂາຍເທຕະຫຼາດ" ເປັນຕົ້ນ.
