ວັນທີ 20 ຕຸລານີ້, ໂຄສົກກົມພັດທະນາອະວະກາດແຫ່ງຊາດ ສປປ ເກົາຫຼີກ່າວວ່າ, ສປປ ເກົາຫຼີຈະຍິງສົ່ງດາວທຽມໃຫ້ຫຼາຍກວ່າເກົ່າຫວັງເຮັດສຳເລັດຕາມແຜນພັດທະນາອະວະກາດ 5 ປີຂອງປະເທດຕົນ.
ຂ່າວສານສູນກາງເກົາຫຼີລາຍງານໃນວັນທີ 20 ຕຸລານີ້ໂດຍອ້າງຕາມການເປີດເຜີຍຂອງ, ໂຄສົກກົມພັດທະນາອະວະກາດ ສປປ ເກົາຫຼີວ່າ, ໃນກອງປະຊຸມຄະນະກຳມະການທີ 4 ຂອງສະມັດຊາໃຫຍ່ອົງການສະຫະປະຊາຊາດທີ່ຜ່ານມາ, ຜູ້ຕາງໜ້າຖາວອນຂອງປະເທດຕົນໄດ້ສະແດງຫຼັກໝັ້ນກ່ຽວກັບການຍິງສົ່ງດາວທຽມແລະສິດນຳໃຊ້ອະວະກາດໂດຍສັນຕິ. ແຕ່ຜູ້ຕາງໜ້າຖາວອນ ສເກົາຫຼີໄດ້ກ່າວຫາວ່າ, ປະຊາຄົມໂລກພວມສຸມທຸກຄວາມພະຍາຍາມນຳໃຊ້ອະວະກາດໂດຍສັນຕິ, ແຕ່ການສົ່ງດາວທຽມຂອງ ສປປ ເກົາຫຼີພັດບໍ່ແມ່ນເພື່ອສັນຕິພາບ.
ໂຄສົກທ່ານນີ້ກ່າວວ່າ, ການກະທຳຂອງ ສເກົາຫຼີສະແດງໃຫ້ເຫັນເຖິງເຈດຈຳນົງບໍ່ດີທີ່ຊຸກຍູ້ໃຫ້ປະຊາຄົມໂລກຂວ້ຳບາດແລະປິດລ້ອມ ສປປ ເກົາຫຼີ.
 |
