ວັນທີ21ຕຸລານີ້, ເວທີປຶກສາຫາລືເສດຖະກິດລະດັບສູງຈີນ-ຣັດເຊຍຄັ້ງທີ7ໄດ້ໄຂຂຶ້ນຢູ່ມະຫາວິທະຍາໄລປະຊາຊົນຈີນທີ່ນະຄອນຫຼວງປັກກິ່ງ. ທ່ານໄຕ້ປີງກົວ, ປະທານຄະນະກຳມະການມິດຕະພາບ ສັນຕິພາບແລະພັທະນາຈີນ-ຣັດເຊຍ, ຜູ້ຕາງໜ້າອົງການລັດຖະບານຈີນແລະຣັດເຊຍ, ຊ່ຽວຊານຈາກໂຮງຮຽນຊັ້ນສູງຂອງຈີນ, ຣັດເຊຍແລະກາຊັກສະຖານ, ພ້ອມດ້ວຍຜູ້ຕາງໜ້າວົງການວິສາຫະກິດຈີນແລະຣັດເຊຍໄດ້ເຂົ້າຮ່ວມ.
ເວທີປຶກສາຫາລືຄັ້ງນີ້ມີຫົວຂໍ້ຫຼັກວ່າ "ຈີນແລະຣັດເຊຍໃນການປັບປຸງລະບົບຄຸ້ມຄອງເສດຖະກິດໂລກ", ໂດຍແຍກອອກເປັນ6ຫົວຂໍ້,ຄື:ມາດຕະການແລະບົດບາດຂອງການສ້າງຕັ້ງ"ສາຍພົວພັນຄູ່ຮ່ວມຮອບດ້ານລະຫວ່າງອາຊີ-ເອີລົບ", ຈີນ-ຣັດເຊຍກັບລະບົບແບບໃໝ່ແຫ່ງການຄຸ້ມຄອງເສດຖະກິດໂລກ, ການຄົ້ນຄວ້າກ່ຽວກັບການເຊື່ອມໂຍງແລະຮ່ວມມືລະຫວ່າງການສ້າງສາແລວທາງເສດຖະກິດເສັ້ນທາງສາຍໄໝກັບສະຫະພັນເສດຖະກິດເອີລົບ-ອາຊີ, ການຄົ້ນຄວ້າກ່ຽວກັບລົງເລິກການຮ່ວມມືດ້ານອຸດສາຫະກຳຈີນ-ຣັດເຊຍ,ເຮັດແນວໃດຈະສາມາດຍົກລະດັບການຮ່ວມມືດ້ານເສດຖະກິດການຄ້າລະຫວ່າງຈີນກັບຣັດເຊຍ,ການຍົກລະດັບແລະປ່ຽນແປງຮູບການພັດທະນາເສດຖະກິດຂອງຈີນແລະຣັດເຊຍ.