ໜັງສືພິມ "ເຢັນໝິນຢື້ປ້າວ" ຂອງຈີນສະບັບວັນທີ 23 ຕຸລານີ້ໄດ້ລົງພິມບົດຄວາມທີ່ມີຫົວວ່າ "ຈີນຈະບໍ່ໃຫ້ອາເມລິກາເຮັດຕາມລຳພັງຢູ່ທະເລຈີນໃຕ້" ໂດຍຊີ້ວ່າ: ກຳປັ່ນຂັບໄລ່ "USS Decatur" ຂອງກອງທັບເຮືອອາເມລິກາໄດ້ລ່ວງເຂົ້ານ່ານທະເລຊີຊ່າຂອງຈີນໃນວັນທີ 21 ຕຸລານີ້ ຈາກນີ້ລັດຖະບານຈີນເດັດດ່ຽວຄັດຄ້ານການກະທຳທີ່ມີຄວາມສ່ຽງຂອງອາເມລິກາຄືດັ່ງກ່າວ ແລະຈະໃຊ້ມາດຕະການຕໍ່ຕ້ານຕ່າງໆຢ່າງແຂງແຮງ.
ບົດຄວາມຊີ້ວ່າ: ການກະທຳຕາມອັນທີ່ກ່າວອ້າງວ່າການເຄື່ອນໄຫວລາດຕະເວນຂອງອາເມລິກາເທື່ອນີ້ໄດ້ເກີດຂຶ້ນໃນຂະນະທີ່ທ່ານໂຣດຣີໂກ ດູເຕີເຕ ປະທານາທິບໍດີຟິລິບປິນພວມຢ້ຽມຢາມຈີນ ແລະ ສາຍພົວພັນລະຫວ່າງຈີນ-ຟິລິບປິນໄດ້ຮັບການຟື້ນຟູຢ່າງຮອບດ້ານ ທັງໄດ້ເຊັນສັນຍາຮ່ວມມືຕ່າງໆລະຫວ່າງສອງຝ່າຍ. ໃນຂະນະທີ່ສາຍພົວພັນລະຫວ່າງຈີນແລະປະເທດທີ່ກ່ຽວຂ້ອງໄດ້ຮັບການປົວແປງໃຫ້ດີຂຶ້ນ ແລະ ການແກ້ໄຂບັນຫາທະເລຈີນໃຕ້ຢ່າງເໝາະສົມນັ້ນໄດ້ມີທ່າອ່ຽງທີ່ໜ້າຊື່ນຊົມຍິນດີ, ແຕ່ອາເມລິກາພັດສົ່ງກຳປັ່ນຮົບມາທ້າທາຍເກາະຜິດຢູ່ນ່ານທະເລຈີນ ທັງນີ້ໄດ້ຢັ້ງຢືນອີກເທື່ອໜຶ່ງວ່າ ອາເມລິກາເປັນໂຕການທຳລາຍ ໂດຍ ໂຄສະນາແລະເຈດຕະນາກໍ່ສະພາບຄວາມເຄັ່ງຕຶງ ໃນບັນຫາທະເລຈີນໃຕ້ໃນໄລຍະຜ່ານມາ.
ບົດຄວາມລະບຸສຸດທ້າຍວ່າ: ໃນບັນຫາຄວາມຖືກຕ້ອງແລະຄວາມບໍ່ຖືກຕ້ອງທາງດ້ານຫຼັກການ ທີ່ກ່ຽວພັນເຖິງສັນຕິພາບແລະສະຖຽນລະພາບຢູ່ທະເລຈີນໃຕ້, ຈີນເດັດຂາດຈະບໍ່ໃຫ້ອາເມລິກາເຮັດຕາມລຳພັງ.