ການປະກວດນາງແບບແລະນາຍແບບຈີນຄັ້ງທີ 22 ຮອບຊະນະເລີດໄດ້ຈັດຂຶ້ນຢູ່ປັກກິ່ງຫວ່າງບໍ່ດົນມານີ້ໂດຍມີນາງແບບແລະນາຍແບບ 40 ກວ່າຄົນຈາກ 20 ແຂວງແລະເມືອງໃນທົ່ວປະເທດຈີນເຂົ້າຮ່ວມການປະກວດຢ່າງຄຶກຄັກ ຜົນການຕັດສິນປະກົດວ່າແຊ໊ມເປັນຂອງ ທ້າວຫວາງຮ້າວຕົ່ງ ໝາຍເລກ 35 ແລະນາງຊຸຍເສິນເສິນ ໝາຍເລກ 16.
ນັບແຕ່ການປະກວດນາງແບບແລະນາຍແບບຈີນຄັ້ງທຳອິດເມື່ອປີ 1995 ເປັນຕົ້ນມາ ແລະປີນີ້ເປັນຄັ້ງທີ 22 ແລ້ວ ສາມາດສ້າງນາງແບບແລະນາຍແບບດີເດັ່ນໄດ້ຢ່າງຫຼວງຫຼາຍ. ການປະກວດ ນາງແບບແລະນາຍແບບຈີນຄັ້ງນີ້ຈັດຂຶ້ນໂດຍການເປັນເຈົ້າພາບຂອງສະມາຄົມຊ່າງອອກແບບເຄື່ອງນຸ່ງຈີນ ແລະຮ່ວມກັນຈັດໂດຍຄະນະກຳມະການນາງແບບນາຍແບບອາຊີບຈີນແລະບໍລິສັດສື່ວັດທະນະທຳເບັນລີຕົ່ງຟາງ.
