ໜ່ວຍງານຝຶກອົບຮົມເຕັກນິກທາງລົດໄຟຄວາມໄວສູງອູຮ້ານ ແຂວງຮູເປີຍ ຫຼືເອີ້ນວ່າ "ໂຮງຮຽນສອນຂັບລົດໄຟຄວາມໄວສູງ" ໄດ້ຮັບພະນັກງານຄຸ້ມຄອງລົດໄຟລາວຊຸດທຳອິດ 22 ຄົນໃນວັນທີ 24 ຕຸລານີ້ ໂດຍຈະຍົກລະດັບຄວາມຮູ້ກ່ຽວກັບທາງລົດໄຟໃຫ້ພະນັກງານດັ່ງກ່າວ.
ວັນທີ 2 ທັນວາປີຜ່ານມາ, ທາງລົດໄຟຈີນ-ລາວທີ່ເຊື່ອມຕໍ່ນະຄອນຫຼວງວຽງຈັນ ສປປ ລາວ ແລະ ເມືອງຄຸນມິງແຂວງຢຸນນານ ສປ ຈີນ ໄລຍະບໍ່ເຕັນ-ວຽງຈັນ ໄດ້ເລີ່ມລົງມືກໍ່ສ້າງ ແລະຄາດວ່າຈະສ້າງສຳເລັດໃນປີ 2020. ເມື່ອຮອດເວລານັ້ນ ກໍຈະສາມາດຍົກລະດັບແລະປະສິດທິພາບການຂົນສົ່ງຂອງລາວໃຫ້ສູງຂຶ້ນຢ່າງຫຼວງຫຼາຍ ແລະຈະສ້າງຕຳແໜ່ງວຽກງານຢ່າງຫຼວງຫຼາຍ ທັງຈະຊຸກຍູ້ການພັດທະນາເສດຖະກິດ-ສັງຄົມລາວ.
ເພື່ອຍົກລະດັບແລະສ້າງບຸກຄະລາກອນທີ່ກ່ຽວຂ້ອງໄວ້ລ່ວງໜ້າ, ລາວໄດ້ສົ່ງພະນັກງານຄຸ້ມຄອງທາງລົດໄຟ 22 ຄົນມາຍົກລະດັບຢູ່ໜ່ວຍງານຝຶກອົບຮົມເຕັກນິກທາງລົດໄຟຄວາມໄວສູງອູຮ້ານ ແຂວງຮູເປີຍ ສປຈີນ.
