ທ່ານອັບດອນ ເຣຊາ ຣາຮ໌ມານີ ຟັສລີ ລັດຖະມົນຕີກະຊວງພາຍໃນອີຣານ ກ່າວໃນການພົບປະກັບທ່ານຄຣິສະໂຕສ ສະຕີເລຍນີເດັສ ກຳມະການວຽກງານຊ່ວຍເຫຼືອທາງມະນຸດສະທຳແລະຄຸ້ມຄອງວິກິດການຂອງສະຫະພາບເອີຣົບໃນວັນທີ 24 ຕຸລານີ້ ໂດຍຫວັງວ່າ ສະຫະພາບເອີຣົບຈະສະນັບສະໜູນການຈັດສັນຊາວອົບພະຍົບອັຟການິສະຖານຢູ່ປະເທດຕົນຫຼາຍກວ່າເກົ່າ.
ທ່ານຟັສລີ ກ່າວຕື່ມວ່າ: ຖ້າວ່າປະຊາຄົມໂລກເກີດຄວາມຜິດພາດໃນການຄຸ້ມຄອງຊາວອົບພະຍົບທີ່ຫຼັ່ງໄຫຼອອກເຂດດັ່ງກ່າວ, ຊາວອົບພະຍົບເຫຼົ່ານີ້ກໍຈະສືບຕໍ່ຫຼັ່ງໄຫຼໄປສູ່ປະເທດເອີຣົບອີກ.
ໃນເດືອນມິຖຸນາປີນີ້, ທ່ານຟິລິບໂປ ເກຣນດີ ຂ້າຫຼວງໃຫຍ່ອົງການສະຫະປະຊາຊາດເພື່ອຊາວອົບພະຍົບ ຫຼື UNHCR ໄດ້ດຳເນີນການຢ້ຽມຢາມອີຣານເປັນເວລາ 2 ວັນ ແລະໃນໄລຍະຢ້ຽມຢາມ, ທາງການອີຣານກໍໄດ້ກ່າວຕໍ່ UNHCR ວ່າ ປະຊາຄົມໂລກສະໜັບສະໜູນປະເທດຕົນໃນການຊ່ວຍເຫຼືອຊາວອົບພະຍົບໜ້ອຍເກີນໄປ.
