ຕອນຄ່ຳວັນທີ 24 ຕຸລານີ້, ໂຮງຮຽນຕຳຫຼວດແຫ່ງໜຶ່ງຂອງເມືອງກຸຍທາແຂວງບາເຊສຕັນພາກຕາເວັນຕົກສຽງໃຕ້ຂອງປາກີສະຖານໄດ້ຖືກກຸ່ມປະກອບອາວຸດຫຼອນໂຈມຕີ, ສົ່ງຜົນເຣັດໃຫ້ຢ່າງໜ້ອຍ 59 ຄົນເສຍຊີວິດແລະ 100 ກວ່າຄົນບາດເຈັບ.
ທ່ານຊາຟາຣັສ ບັກຕີ, ຫົວໜ້າກົມວຽກງານພາຍໃນແຂວງດັ່ງກ່າວເປີດເຜີຍວ່າ, ຜູ້ປະກອບອາວຸດໄດ້ຈີ້ຕຳຫຼວດແຕ່ 200 ຫາ 250 ຄົນທີ່ໄປຝຶກອົບຮົມຢູ່ໂຮງຮຽນດັ່ງກ່າວ. ຂະນະທີ່ຜູ້ບາດເຈັບສ່ວນຫຼາຍກະດູກຫັກຫຼັງໂດດອອກຈາກປ່ອງຢ້ຽມ. ພາຍຫຼັງເກີດການໂຈມຕີ, ເຈົ້າໜ້າທີ່ປັກກັນຄວາມສະຫງົບໄດ້ປິດລ້ອມໂຮງຮຽນດັ່ງກ່າວແລະໂຈມຕີກຸ່ມປະກອບອາວຸດ.