ວັນທີ 25 ຕຸລານີ້, ສະຖາບັນການເມືອງແຫ່ງຊາດໂຮຈີ່ມິງຫວຽດນາມໄດ້ຈັດການສຳມະນາ "ສາຍພົວພັນຫວຽດນາມ-ຈີນ: ສະພາບປັດຈຸບັນກັບບັນຫາທີ່ລໍຖ້າການແກ້ໄຂຢ່າງເລັ່ງດ່ວນ"ຢູ່ນະຄອນຫຼວງຮ່າໂນ້ຍ ໂດຍຜູ້ຊ່ຽວຊານທີ່ຮ່ວມສຳມະນາໄດ້ຕີລາຄາທາງບວກຕໍ່ສະພາບການຂະຫຍາຍຕົວຂອງສາຍພົວພັນລະຫວ່າງສອງປະເທດໃນປັດຈຸບັນທັງຢືນຢັນວ່າ: ພາຍຫຼັງສາຍພົວພັນຫວຽດນາມ-ຈີນຫັນເປັນປົກກະຕິແລ້ວ, ສອງປະເທດໄດ້ຮ່ວມກັນຜ່ານຜ່າຄວາມຫຍຸ້ງຍາກແລະສິ່ງທ້າທາຍຕ່າງໆແລະໄດ້ບັນລຸການພັດທະນາຢ່າງມີຊີວິດຊີວາໃນຫຼາຍຂົງເຂດ. ນອກຈາກການແລກປ່ຽນຢ້ຽມຢາມແລະຕິດຕໍ່ພົວພັນກັນລະຫວ່າງການນຳຂັ້ນສູງແລ້ວ, ສອງຝ່າຍຍັງໄດ້ຮັກສາການແລກປ່ຽນຢ້ຽມຢາມກັນລະຫວ່າງຄະນະຜູ້ແທນຂັ້ນຕ່າງໆ ທັງໄດ້ສ້າງຕັ້ງກົນໄກຮ່ວມມືແລະແລກປ່ຽນຂັ້ນຕ່າງໆຂອງສອງພັກ ແລະຈັດການສຳມະນາກ່ຽວກັບທິດສະດີແລະບົດຮຽນການກໍ່ສ້າງພັກ, ການບໍລິຫານປະເທດແລະອື່ນໆຂະນະທີ່ຊາວໜຸ່ມຂອງສອງປະເທດກໍໄດ້ຈັດກິດຈະກຳແລກປ່ຽນໃນແຕ່ລະປີເຊັ່ນກັນ.
ຜູ້ແທນທີ່ຮ່ວມການສຳມະນາຍັງໄດ້ສະເໜີຂໍ້ສະເໜີຕໍ່ພາກສ່ວນທີ່ກ່ຽວຂ້ອງຂອງພັກ-ລັດຫວຽດນາມກ່ຽວກັບການເພີ່ມທະວີການຮ່ວມມືກັບຈີນໃນຕົວຈິງແລະຫຼາຍດ້ານທັງຄວບຄຸມຂໍ້ຂັດແຍ້ງຢ່າງມີປະສິດທິຜົນ.