ສູນກາງພັກກອມມູນິດຈີນ ແລະ ລັດຖະບານຈີນ ໄດ້ເຜີຍແຜ່ແຜນແມ່ບົດ "ສຸຂະພາບຈີນ 2030" ຫວ່າງມໍ່ໆມານີ້ ໂດຍໄດ້ກຳນົດເປົ້າໝາຍການກໍ່ສ້າງຈີນສຸຂະພາບຢ່າງຈະແຈ້ງ ຄື ເມື່ອຮອດປີ 2020, ຈະສຳເລັດການສ້າງລະບຽບການປິ່ນປົວສາທາລະນະສຸກຂັ້ນພື້ນຖານທີ່ມີສີສັນພິເສດຂອງຈີນແລະກວມເອົາຕົວເມືອງແລະຊົນນະບົດ, ລະດັບສຸຂະພາບສູງຂຶ້ນຢ່າງຕໍ່ເນື່ອງ, ລະບົບບໍລິການສຸຂະພາບມີຄວາມສົມບູນແລະມີປະສິດທິພາບ, ໝົດທຸກຄົນສາມາດຊົມໃຊ້ການບໍລິການການປິ່ນປົວສາທາລະນະສຸກຂັ້ນພື້ນຖານແລະການບໍລິການການຫຼິ້ນກິລາເສີມສ້າງຮ່າງກາຍໃຫ້ແຂງແຮງຂັ້ນພື້ນຖານ, ສ້າງໃຫ້ເປັນຂະແໜງການສຸຂະພາບທີ່ມີເນື້ອໃນສົມບູນແລະມີອົງປະກອບສົມເຫດສົມຜົນ ແລະຕົວເລກດັດຊະນີສຸຂະພາບທີ່ສຳຄັນຢູ່ແຖວໜ້າໃນຈຳນວນປະເທດທີ່ມີລາຍຮັບປານກາງແລະອ່າວສູງ.
ແຜນແມ່ບົດລະບຸວ່າ: ເມື່ອຮອດປີ 2030, ຕົວເລກດັດຊະນີສຸຂະພາບທີ່ສຳຄັນຂອງຈີນຈະຕ້ອງເຂົ້າສູ່ຖັນແຖວປະເທດທີ່ມີລາຍຮັບສູງ, ອາຍຸຍືນສະເລ່ຍຂອງຄົນຕ້ອງໃຫ້ເພີ່ມຂຶ້ນອີກ 3 ປີເປັນ 79 ປີເມື່ອທຽບໃສ່ປັດຈຸບັນ ແລະເມື່ອຮອດປີ 2050, ຈະສ້າງໃຫ້ເປັນປະເທດສຸຂະພາບທີ່ແທດເໝາະກັບປະເທດສັງຄົມນິຍົມທີ່ທັນສະໄໝ.