ທ່ານອານເຟິງຊານ ໂຄສົກຫ້ອງການວຽກງານໄຕ້ຫວັນຂອງລັດຖະບານຈີນ ກ່າວໃນພິທີຖະແຫຼງຂ່າວທີ່ຈັດຂຶ້ນໃນວັນທີ 26 ຕຸລານີ້ວ່າ: ວຽກງານກະກຽມເວທີປຶກສາຫາລືການພັດທະນາໂດຍສັນຕິລະຫວ່າງສອງຝັ່ງຊ່ອງແຄບໄຕ້ຫວັນທີ່ຈະຈັດຂຶ້ນຢູ່ນະຄອນຫຼວງປັກກິ່ງແຕ່ວັນທີ 2-3 ພະຈິກໜ້ານີ້ ມີຄວາມຄືບໜ້າເປັນຢ່າງດີ ໂດຍເວທີປຶກສາຫາລືຄັ້ງນີ້ແມ່ນອົງການຈັດຕັ້ງທາງສັງຄົມ 20 ແຫ່ງຂອງສອງຝັ່ງຮ່ວມຈັດຂຶ້ນ. ຂະນະທີ່ແຂກຮ່ວມປະຊຸມຝ່າຍໄຕ້ຫວັນໃຫ້ໜ່ວຍຈັດເວທີປຶກສາຫາລືໄຕ້ຫວັນເປັນຜູ້ຮັບຜິດຊອບ.
ມາຮອດປັດຈຸບັນ, ມີຫົວກະທິຈາກວົງການຕ່າງໆ ແລະ ຜູ້ຮັບຜິດຊອບອົງການຈັດຕັ້ງທາງສັງຄົມ ຂອງສອງຝັ່ງ 240 ກວ່າທ່ານສະເໜີເຂົ້າຮ່ວມເວທີປຶກສາຫາລື ແລະ ນັກຂ່າວ 280 ກວ່າຄົນສະເໜີເຂົ້າເກັບກຳຂ່າວ.