ວັນທີ 25 ຕຸລານີ້, ທ່ານຈິ່ນລີ້ສຸນ ຜູ້ວ່າການທະນາຄານລົງທຶນພື້ນຖານໂຄງລ່າງອາຊີກ່າວຢູ່ນະຄອນຫຼວງເນປີດໍຂອງມຽນມາວ່າ, ທະນາຄານຂອງຕົນພວມສະແຫວງຫາການຊຸກຍູ້ການກໍ່ສ້າງພື້ນຖານໂຄງລ່າງໃນມຽນມາ, ແລະມີຄວາມໝັ້ນໃຈຕໍ່ການພັດທະນາເສດຖະກິດຂອງມຽນມາ.
ວັນທີ 25 ຕຸລານີ້, ຫຼັງທ່ານຈິ່ນລີ້ສຸນໄດ້ຫາລືກັບທ່ານນາງອອງຊານຊູຈີ ທີ່ປຶກສາແຫ່ງລັດມຽນມາປະມານໜຶ່ງຊົ່ວໂມງ, ກໍໄດ້ໃຫ້ສຳພາດຕໍ່ນັກຂ່າວຈີນແລະມຽນມາ, ທະນາຄານລົງທຶນພື້ນຖານໂຄງລ່າງອາຊີຈະພະຍາຍາມຊ່ວຍເຫຼືອມຽນມາພັດທະນາເສດຖະກິດ, ແລະປັບປຸງຊີວິດການເປັນຢູ່ຂອງປະຊາຊົນມຽນມາໃຫ້ດີຂຶ້ນ. ການສະໜອງພະລັງໄຟຟ້າແມ່ນປັດໄຈສຳຄັນທີ່ຖ່ວງດັງການພັດທະນາເສດຖະກິດມຽນມາ, ຈາກນີ້, ທະນາຄານຕົນຈະຮ່ວມກັບບໍລິສັດການເງິນສາກົນ, ທະນາຄານພັດທະນາອາຊີສະໜອງເງິນກູ້ໃຫ້ແກ່ມຽນມາເພື່ອສ້າງໂຮງງານຜະລິດໄຟຟ້າດ້ວຍອາຍແກັສທຳມະຊາດ.