ກອງປະຊຸມຄົບຄະນະຂອງຄະນະກຳມະການສູນກາງພັກກອມມູນິດຈີນຄັ້ງທີ 6 ສະໄໝທີ 18 ໄດ້ຈັດຂຶ້ນຢູ່ນະຄອນຫຼວງປັກກິ່ງແຕ່ວັນທີ 24-27 ຕຸລານີ້ ໂດຍໄດ້ພິຈາລະນາແລະຮັບຮອງເອົາ "ກົດລະບຽບການຮ່ວມຊີວິດການເມືອງພາຍໃນພັກພາຍໃຕ້ສະຖານະການໃໝ່", "ກົດລະບຽບການຕິດຕາມພາຍໃນພັກກອມມູນິດຈີນ" ແລະ "ມະຕິກ່ຽວກັບການໄຂກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 19 ຂອງພັກກອມມູນິດຈີນ".
ກອງປະຊຸມໄດ້ເນັ້ນວ່າ: ຕ້ອງຜັນຂະຫຍາຍແລະປະຕິບັດແນວທາງພື້ນຖານຂອງພັກຢ່າງຮອບດ້ານ, ຍຶດໝັ້ນຄວາມສະເໝີພາບຕໍ່ໜ້າລະບຽບວິໄນ ແລະ ທົ່ວພັກຕ້ອງຜັນຂະຫຍາຍແນວທາງມະຫາຊົນຂອງພັກ ເພື່ອຮັບໃຊ້ປະຊາຊົນເປັນຢ່າງດີ.
ກອງປະຊຸມຊີ້ໃຫ້ເຫັນວ່າ: ການກໍ່ສ້າງການເມືອງທີ່ປອດໃສຂາວສະອາດ ແລະ ເດັດດ່ຽວຄັດຄ້ານການສໍ້ລາດບັງຫຼວງ ແມ່ນໜ້າທີ່ສຳຄັນໃນການເພີ່ມທະວີການຮ່ວມຊີວິດການເມືອງພາຍໃນພັກແລະດຳເນີນໃຫ້ເປັນລະບົບ, ຕ້ອງສະໜັບສະໜູນພັກປະຊາທິປະໄຕໃນການເສີມຂະຫຍາຍພາລະບົດບາດການຕິດຕາມຂອງຕົນ.
ກອງປະຊຸມໄດ້ຕົກລົງໄຂກອງປະຊຸມຜູ້ແທນທົ່ວປະເທດຄັ້ງທີ 19 ຂອງພັກກອມມູນິດຈີນໃນ 6 ເດືອນທ້າຍປີ 2017 ຢູ່ນະຄອນຫຼວງປັກກິ່ງ.
